Estate VS MPV - Игра на простор

[LosiPatista]

Која е шансата да се имам возено во исто такво и сопственикот да ми има кажано дека колата изгубила контрола при 110кмх на дожд, на право.

Ништо лично ама најверојатно и сопственикот е орангутан.  

Тамам работа, баш ми се допаѓа како се разборува од сабајле

A човекот кул е, знае да вози, го лета аутобанот со 270.

[Deni]

[Skywalker]

Начнавте нешто, па ајде да го продискутираме иако ќе отиде дискусијата офтопик - осеќам.

Тоа BMW3 туринг конкретно како кола од 4.6 метри караван има доста малку место. Сепак темава е „Игра на простор“. Имено багажникот под полицата е само 495 литри. А и седиштата не нудат којзнае колку место во кабината. Понатаму мислам дека нема резервно тркало никакво. коефициентот на отпор е околу ~0.30 што е повисока бројка од старото BMW3. За споредба Туран има 0.29, а Ц класа караван 0.24. Вожњата е камен. Што значи сето тоа во суштина? Позитивна работа кај BMWто е што се нуди со M-Paket седишта кои се многу добри за седење со убава позиција. Другото е само еден голем компромис.

Кога сме на тема простор, Honda Civic хеч (не караван!) Нуди 477 литри багажен простор, Peugeot 308 исто хеч (не караван!) нуди 470 литри багажен простор. Пежото 308 дури има подобра аеродинамика од БМВ со 0.28-0.29. Значи се доста блиски со BMW 3 touring во тој поглед. А воедно ќе се и многу поефтини за купување и одржување, а и поекономични. Караваните спомнати како и MPV се со многу повеќе простор во кабината, и многу поголем багажник од BMW3 touring, како и поаеродинамични, поекономични, помеки во суспензијата и слично.

Шо знам на тестов изгледа дека им повеќе од доволно место на задната клупа а ова е седан. Во караванот сигурно има повеќе место.

[zlatkoa]

На крај дискусијата ќе заврши како и и секогаш со Шкода Октавија. Најмногу VW за најмалку пари со значката на Шкода од напред.

[Carpathian Lord]

На крај целата дискусија пак се сведува која кола ве прави да изгледате мажи и „независни“.

Тоа е само знак на исфрустрираност дечки Ме боли ташак како мене ме доживуваат другите.

Некој спомнува брзина, не знам аеродинамика....дрн дупки, небаре возите Формула 1.

Караван/MPV како сакате навртете ги се фамилијарни возила.

Кога веќе мора да земаш фамилијарно возило се оди на најголема комоција.

Дали возите караван или MPV ви е исти ку*ац, само се залажувате, демек не сте попуштиле да возите комбе.

Those are my two cents.

[Luki Junior]

Карпатиан, ти купи МПВ затоа што сакаше или мораше?

Јас зборувам за моментот кога некој ме убедува дека купил МПВ затоа што САКАЛ, а не затоа што МОРАЛ.

пс. Зошто избра МПВ со мотор од Алфа, му опна ремап, се тркаш со “јаки“ е46ки и сеуште ја чуваш другата убавица?  


Нормално, кога патувам службено, или кога треба да се среќавам професионално со други луѓе, едно е да се појавиш со МПВ, друго е да се појавиш со седан. Едно време и јас мислев дека тоа воопшто не е важно, ама научив по потешкиот начин дека било важно. И тоа многу. 

[Deni]

А ти купи BMW зошто сакаше или мораше? Според муабетов си го купил за да можеш да покажеш на остатокот од светов дека си успеал во животов, си морал да го купиш - иначе сатарот?

Информативно прашање.

[Luki Junior]

Искрено, Сакав. И уште сакам. Ако не го сакав, немаше да го возам. Затоа што секогаш кога влезам во него ми мириса на кожа. Кога седнам ме гушнат седиштата, шалт таблата свртена кон мене и чекам само да заржи скромното моторче под хауба. Се што е во него е таму за да ми прави ќеф на мене. Вратите не се отвараат/затвараат млитаво туку стегнато. Клучот за палење е стегнат. Сите копчиња внатре имаат специфичен осет и звук кога ги притискаш. Не се ставени таму колку да ги има. Многу често гледам нагоре, низ џамот на таванот се ѕверам нагоре.

Секојпат кога го возам, се смешкам како мало дете на омилената играчка и ми буди радост. Воланот е директен, прецизен, потежок отколку стандардните млитави серво волани. Кога влегуваме во кривини, влегуваме како цела кола. Во секој момент знам колкави ми се границите на грип и тракција заради воланот и балансот на самата кола. Предвидлива е на патот, а сепак интересна.

Кога патуваме по автопатиштата низ Германија, по локалните патишта низ Австрија, Белгија, Холандија, ме тера да се осеќам посебно. Знам, затоа што сум бил со истите патишта и со друга кола. Исто е, ама не е исто.

Ме тера да се вртам по него кога е на паркинг. Намрштената предница, убавиот задник кој понекојпат знае да меша. Секогаш сум се вртел по нив, особено кога навистина немав пукната пара во џеб, а камоли да имам баварец. Сум се вртел и по други коли, и денес се вртам, ама никогаш толку многу колку кон баварците.

А за докажувањето, не докажувам на другите. Си докажувам само на себе. И во Македонија, и кадешто живеам во моментот, моето БМВ е само една кола како и сите други на паркинг. Скромна и стара. Но, ќефот што може да ти го пружи едно БМВ (без разлика на старост) не може да ти го пружи ниедна друга кола. Колку и да пробам да ти објаснувам не можам да ти објаснам. Таа работа не може да се објасни, таа работа треба да се доживее.


А за муабетот, се гледа дека не си разбрал што сакам да кажам, туку си го тераш твојот филм со просторче тука, литар плус таму, сантиметар ваму повеќе, толку децибели ваму, онолку мерки, толкаво обезвреднување итн. и ништо друго не е важно во една кола..

[LosiPatista]

Ќеф да ти е да го слушаш генерал Лаки денеска

Пробај и Mercedes од поново годиште, многу е сличен, само би рекол малку побезбеден. Инаку има големи недостатоци кај BMWто и мерцедесот, може да ги спомнеш и нив.

[Deni]

Особено ако се каравани или MPV за да е онтопик.

[brm brm]

6.2L V8.
Крај...

[brm brm]

https://youtu.be/VtR-thD1nCY
Мојот омилен дел 29:00 -->

[Simo - Carrier159]

А за муабетот, се гледа дека не си разбрал што сакам да кажам, туку си го тераш твојот филм со просторче тука, литар плус таму, сантиметар ваму повеќе, толку децибели ваму, онолку мерки, толкаво обезвреднување итн. и ништо друго не е важно во една кола..

Затоа е темата, за сантиметарче овде онде, литарче ваму таму, децибелче пониско, љуљање у кривини, депрецијација... Да беше тоа пресуден фактор, немаше да постојат многу бренови во автоиндустријата, кои не го нудат тоа. На пример 159 sportwagon (караванот) го тепаат во литри гепек некои аута како моднео и пасат некарвани (и неизбежниот суперб). Ама ете постои, и многу е убава, и многу луѓе ќе си кажат „Па ок, ќе се живее со некое литро помалку гепек, како разумен комромис“ .

[Deni]

Точно е. Различни возила различно го решиле просторот во возилото. Баш тоа и идејата на дискусијата.

На пример Фокус има 315литри гепек и помалку место на задна клупа. Само 20тина литри повеќе од Фиеста. Јас многу ја сакам таа кола, ама тоа за мене е недопустливо. Тоа е расфрлање со просторот. Како можеле хонда да извадат стотици литри повеќе во иста таква кола? Епа не е сеедно. Јас сега имам две мали коли и ја знам маката на немање багажен простор. Јас имам ~190цм, татко ми ~200цм, го знам детално проблемот на немање место.
Да овие коли се пространи кога седат двајца, но веќе третиот човек нема простор. Од тие причини еве јас би рекол дека сакам поголемо возило. Но, од друга страна пак би сакал од надвор да е помало возилото зошто истото сакам и во град да го возам, а и по плажи да го пикам и паркирам. Форум е си муабетиме. Па и ќе научиме нешто.
Јас еве од хеџбеци стварно ми се допаѓа фокусот, но би го избегнал заради просторот.

Бмв3 туринг? Исто. Башка што е претврдо, и троши повеќе и има поскап сервис и набавна цена. За мене не е ништо посебно таа кола. Неможам да си ја оправдам пред себеси за да ја купам. пред другите многу лесно ќе ја оправдам.

И сега доаѓаме до почетокот на темава. Игра на просторот.

[MecheTo]

Logan Mpv.