Значи имам ставено плински уред кај вас, се работеше како што треба.
Примав повеќе совети од луѓе да не ја возам колата на плин на максимална поради можно горење на вентилите, но вие ми одговоривте дека нема да има проблем на плин да ја возам колку сакам. Па јас ве послушав и возев околу 190, вентилите на два цилиндра изгореа, пепел.
Испадна дека луѓето имале право, затоа што плинот е сув и се ствара голема температура.
Не знам што е „сув“ , ама при согорување плинот развива поголема температура, па издувните вентили можно е побрзо да страдаат. Пошто и јас имам алфа со плин, баш ме интересира кој систем го имаш и кои беа симптомите.
Инаку, интересен факт, ако ти е „сиромашна“ смешата, температурите се уште повисоки, а малку „побогата“ смеша може да ја намали температурата на издувните гасови.
Можеби лошиот сооднос поради „МАФ“ сензорот или лоша „ламбда“ сонда придонеле за горење на вентилите?
Инаку, некаде читав дека е згодно сите 8 издувни да ги смениш, пошто шансите да изгорат други два (најслаби во низата) се големи, и така... два по два...
Мене до сега никој не ме предупредил дека „Алфа“ има слаби вентили... И баш ме интересира, дали последица е „пропаѓање“ на вентилите во главата (некогаш се случува да пропаднат малку лежиштата, поради висока температура, и да се намали зазорот на вентилите, па постепено да изгорат), или е самиот вентил слаб. Ако на останатите вентили им се намалил зазорот, веројатно е ова првото. Ако е тоа случај, тогаш решението е едноставно, само малку поредовно штелување на вентилите и терај.
