Не сум Микси, но сепак би пробал да ја објаснам концепциската разлика меѓу „брзина“ кај возилата и кај леталата.
За разлика од возилата и пловилата, распонот на можни брзини на летање кај авионите е прилично тесен и е одреден од оптовареноста и висината. Брзината на крстарење не е многу помала од максималната, ниту многу поголема од минималната брзина*, а при зададена натовареност и висина. Со други зборови кажано, додека летаат авионите се „заробени“ во тесен опсег на брзини кој е одреден од аеродинамичката конфигурација.
На пример, еден автомобил може да се движи и со 1 км/ч и со 10 и со 100 и со 200 кмч. Распонот на можни брзини е огромен и е од 0 до, да речеме, 200 кмч. Истото важи и за воз и за брод. Од друга страна, доколку брзината на крстаење на еден авион е 190 км/ч, максималната ќе му биде шознам 220 км/ч, а минималната 160 км/ч (бројкиве ги тресам од ракав колку да илустрирам).
Поентата ми е дека прашањето „ама при која брзина“ произлегува од аналогија со автомобилите и дека таа аналогија е проблематична. Се разбира, мали варијации во брзината и потрошувачката се возможни, но тие не се големи, па затоа потрошувачката и се мери во литри на час, а не во толку-и-толку литри на толку-и-толку километри при таа-и-таа брзина.
На овој индикатор за брзина ќе забележиш дека растојанието меѓу рецките се стеснува како расте брзината, а брзината на летање (означена со бела лента одоздола) е меѓу 90 и 130 јазли (1 јазол = 1 наутичка миља на час). Меѓу 90 и 130 јазли потрошувачката ќе биде мање-више иста.
(над 130 јазли овој авион може да постигне единсветно при пропаѓање, се до црваната линија на 160 кмч над која е забрането и постои опасност авионот да се распадне, а под 90 јазли е возможно или при „нечиста“ аеродинамичка конфигурација за слетување или при тркалање на земја)
__
*) освен кај суперсоничните авиони, но тие се специјален случај и тоа од повеќе аспекти.
