НЕМА НОВИ МОТОРИ ВО БЛИСКА ИДНИНА, РАЗВОЈОТ НА ПЕ ЗА ЦЕЛА 2016 СЕЗОНА Е ДОГОВОРЕН!!!
Производители на Формула 1 Погонски Единици и ФИА се согласија да се дозволи нивни развој и низ 2016 сезоната. Според досегашните прописи износот на токени кои тимовите го имаа на располагање за развој на своите ПЕ требаше да се намали од 32 оваа, на 25 за следната сезона. Исто така, хомологацијата на ПЕ требаше да биде направена на крајот на Февруари, 2016 година, што значеше дека сите Ф1 тимови треба да ги користат 2016 спецификациите на ПЕ.
По состанокот во Женева, на кој присутвувале раководителите на Мерцедес АМГ, Ферари, Рено и Хонда, заедно со високи претставници на ФИА, вклучувајќи го и претседателот Жан Тод, едногласно се согласиле да не ги заоструваат прописите. Износот на достапни токени ќе остане на 32, а областите кои што требаше да бидат забранети за развој, како горен/долен картер, воѓици на вентили, брегастите осовини, остануваат отворени да се развиваат и понатаму.
Оваа одлука е од клучно значење за Хонда и Рено со оглед на тоа што овие тимови се соочуваат со најголеми проблеми, кои никако не можат да ги решат. Тоа значи дека не треба ниту да брзаат да ги развиваат своите ПЕ во текот на следните четири и пол месеци, а тие сега ќе бидат во можност да работат на идните проблеми во текот на сезоната, наместо да не бидат во можност да ги стигаат Мерцедес и Ферари ПЕ.
Целта на состанокот во Женева било да се утврдат повеќе услови за еднаквост на сите четири производители на ПЕ за 2016 година, но, исто така, и на подолг рок. Во сетоа ова активна улога одиграл Жан Тод, Претседателот на ФИА.
Откажано е правилото кое велеше дека производителите на ПЕ нема да можат да ги снабдуваат своите купувачи со постарите спецификации на своите ПЕ. Ова ќе овозможи Торо Росо да може да ги користи 2015 Ферари ПЕ за следната сезона и заживување на партнерството кое траеше од 2007-2013 година.
Сите предлози треба да бидат потврдени од страна на Комисијата на ФИА за Ф1, што се очекува да биде чиста формалност, пред да го помине и последниот чекор кон полноважноста, заверка од страна на Светскиот Совет за Мотоспорт на својата завршна средба на почетокот на месец Декември.
Најважно од се, според новинарите на Аутоспорт, кои се блиски до челниците на сите Ф1 тимови, но и ФИА, се дознава дека во блиска иднина нема да има алтернативен мотор. Берни Еклстоун шпекулираше дека се разгледуваа опции за замена на сегашните 1,6-литарски V6 турбо хибридни системи, но од тоа нема ништо. Прифатено било дека одржливоста и стандардизиран мотор е клуч за иднината на помалите тимови, па така не ни се помислило да се прави смена на мотори во блиска иднина.
