Еве да го споделам моето искуство со прибирање на понуди за каско осигурување на голфчето. ВНИМНИЕ: ќе бидам малце подетален.
Првин да напоменам дека прошлата година имав каско од Албсиг и единствена маана што им најдов беше дека ја беа утнале цената на осигуреното возило за ново возило од 14500 на 10000 евра, кое после откако приметив го корегираа на точната сума. Е сега барајќи акал од членовите на CarClub и прифаќајќи ги нивните совети одлучив оваа година дека нема да ја осигурам колата во Албсиг поради негативните искуства во случај на активирање на каското, туку да побарам понуда од останатите предложени компании, односно од Триглав, Сава и Winner. И тука почнуваат македонЦките работи.
Со цел да добијам можеби подобри понуди на едно мое другарче, кој соработува со дел од осигурителниве компании, му кажав да види што понуди може он да добие.
Беше Среда кога седнав троа на интернАт и ги разгледав понудите кои ги имаат осигурителниве компании на нивните официјални сајтови и им пуштив мејлови на Сава и Триглав. Веднаш добив автоматски одговор од нив дека во најкус можен рок ќе бидам контактиран од некој од нивните агенти. Пуштив мејл и на Винер каде што од страна на нивниот агент добив одговор дека најдоцна до крајот на денот или евентуално утредента ќе добијам понуда.
Инаку, на сите им го пуштив истиот мејл, барајќи да ми дадат понуди за потполно каско и тоа понуда за без франшиза, понуда за со 200 евра франшиза и понуда за со 500 евра франшиза, притоа напоменувајќи им дека и АО, зелен картон и патничко осигурување за 3 лица ќе бидат купени од кај нив.
Четврток, ни абер ни глас од нив, Петок неработен ден беше, Сабота и Недела викенд, Понеделник, Вторник и Средата до пладне никаков мејл од нив, ништо, тапа џонсон. Седнувам пак на интернАт и првин и пуштам мејл на чупето од Винер и за нецели 10-тина минути добив одговор дека понудата од Скопје и била испратена на мејл вчера (Вторник) и дека само што мислела да ми ја препрати. И би, ми ја препрати. Срочив краток мејл и до Сава и Триглав, незадоволен од нивната непрофесионалност и незаинтересираност, кој идеше вака:
"Може да знам дали некој ќе ми одговори на мејлот или да барам друга осигурителна компанија?"
Изненадувачки од Сава веднаш ми одговорија и тоа со крајно непрофесионален одговор кој се состоеше само од цената на каското за сите три опции кои ги барав, ништо друго, во смисла: Почитувани, во врска со Вашата понуда бла, бла, бла и така натаму и така наваму, ти реков ми рече. Инаку од некојси таму агент или кој знае што работи (да не му го спомнувам името) што ми одговори на мејлот добив шампионска понуда за каско како да ќе сум осигурувал авион а не кола. Дали тој фраерот мислел дека нафтата поефтинува на светската берза па ние обичните смртници сме почнале да пиеме нафта не ми е јасно ама му одговорив на мејлот со прашањата: "Ти (името негово) сигурно работиш за Сава или против Сава? Барав понуда за кола а не за авион." Крај на програмата. Морав да бидам нељубезен и да им вратам на ист начин и од причина што во меѓувреме од другарчето што ми бркаше понуди добив исто така понуда од Сава (овој пат за кола) која е драстично поразлична од оваа "авионскава". Од Триглав сеуште сум во исчекување да добијам одговор (едвај чекам да ми пишат па после и јас да им вратам).
За разлика од мене другарчево успеа да добие понуда од Триглав и од Уника. Подолу се сите понуди кои ги добив.
БЕЗ 200 ЕВРА 500 ЕВРА
ФРАНШИЗА ФРАНШИЗА ФРАНШИЗА
ВИНЕР 15768 10161 5957
САВА 21948 13097 8174
УНИКА 20177 13796 7760
ТРИГЛАВ 19701 со 1% франшиза 16336, со 2% франшиза 15035, со 4% франшиза 12999, со 8% франшиза 10373, со 16% франшиза 8349.
И на крајот шампионската понуда од Сава
37884 22582 14094
Пишувам од телефон и затоа се извинувам што не направив табеларен приказ на понудите ради прегледност.
Да сублимирам, значи од три посериозни осигурителни компании од кои побарав понуда две ми одговорија, во според нив најкус можен рок на мое повторно барање после 6 дена откако им пуштив меил додека од една воопшто и не добив одговор (Триглав). Другарчето мое доби од нив понуда, меѓутоа не и јас. Цените на понудите им се различни, во една иста компанија за едно исто возило можете да добиете две или повеќе различни понуди зависно од тоа кај колку агенти ќе се обратите.
Мој совет, кога ви треба каско или било кој друг вид на осигурување, доколку имате повеќе слободно време на располагање пратете мејл или посетете повеќе претставништва на една иста осигуритела компанија со цел да добиете најдобра понуда, иначе од прва ќе добиете само најскапа за вас а најдобра за нив.
Од она што досега го добив Винер ќе биде мојот избор за годинава.
За малку ќе заборавев, кога им пуштав мејлови за понуди помеѓу другото им напоменав да ми кажат колку ќе ме кошта и АО и зелен картон, т.е да ми дадат цени. Никој освен девојчето од Винер не ми даде цени, ниту пак понудите кои ги доби другарчето. Од Винер за АО ми нудат 5996 ден и зелен картон кој ако не се лажам секаде би требало да е иста цена од 3960 ден. Единствена замерка на девојчето од Винер и наоѓам во пишувањето на мејлот, бидејќи ми пишува од службен мејл би можела да обрати поголемо внимание на правилното пишување, нигде точка, запирка, голема буква.........ееее тој Блаже Конески за кого ли он творел, него ај да не какам многу...
Тоа е моето искуство со прибирање на понуди за каско од осигурителниве компании, се надевам некому ќе му биде од корист. Благодарам за советите на А4-B8, Генералот Прва Класа, Семоќниот, Алекзендер и Адвокатот
