Мајстории по дома....

[зоки-златен]

@bear ѕидот е правен со сите нишани пред 6 години. Сега само со една рака поликолор го поминав, можеби згрешив што не го поминав со У-врска наместо поликолор, ќе видиме, ама по мене е доста здрав и не се лупи/корне.
Лепев со силикон за ламинат, по миризбата и структурата ме потсети на лепакот за паркет кога лепев дел од подот во кујната и ми изгледа доста јак. Брзо суши, така да сега вака на стискање и удирање нема мрдање, убаво е во жлеб монтиран, плус со полици штрафење, нема каде да оди.

@MartinAlfista добра идеја со летвичките.

[Nandor The Relentless]

@osmica8 фала, ќе ѕирнам утре.

@AllMightyMe пробав со бели што имам нешто останато од завршни лајсни од плочки, ама не ми прави мерак, нешто у тон со ламинатот сакам да биде.
Инаку, ќе се става врз паркетот ламинат ист или најсличен на овој, со високи лајсни во тон на ламинатот.

Деновиве уште лебдечки полици да најдам останува.

Ако ти се арчи екстра кеш земи од оние полиуретански или како ги викаат, арно ти вика олмајти.

Моеш после да ги фарбаш по тон точно како што сакаш ти.

Одбери си некој латекс само, ќе ја убодеш бојата 100 посто и ќе трае многу долго

[Marakana]

Onie sto prodavaa laminat posle katolicka kade se sega. Ne mozam da najdam ista boja nikade.

[Nandor The Relentless]

Onie sto prodavaa laminat posle katolicka kade se sega. Ne mozam da najdam ista boja nikade.

Кој беше таму, Quickstep? Памтиш име?
Ако е тоа - на стадион се сега.

Опни една слика, да видиме што точно бараш.

[Marakana]

Ime ne pamtam, pamtam deka boja ja vikaa Umbria. Da znaev ke kupev najprosto nesto.

https://imgur.com/a/hI50kSP

Ne e ona klasika dab ili sto i da e, ima primesa na crveno

[AUDI]

Овие неколку денови се занимавав со правење на рачен во електриче муљач за грозје.
Моторот комплет со држачи и ременица е изваден од стара перална.
На муљачот имаше дрвени рачки кои ги заменив со метални профили 20мм х 40мм долги 1.5м,рачката со која се вртеше муљачо е на навој М16,осовината за ременицата која ја извадов од бубањот ја заварив на два мутери и зашрафив.Брзо и лесно може да се изади ременицата и да се стави оригиналната рачка.
Моторот го фиксирав за едната метална рачка,ги искористив држачите а со тоа има и можност за затегање на самиот каиш.
Моторот е поврзан да врти на спората брзина,останува да направам нови жици за поврзување и истите да ги средам,овие на сликата се колку да видам како се ќе функционира,ставање на гребен (прекидач),малку да бруснам да дотерам некои финеси.

[AUDI]

Речено сторено,на дозна 120х120 ставен прекидачот и печурката за итно сопирање,каблите средени,поврзано заземнувањето,изолиран кондензаторот.Останува лепенка за он-оф позиција на прекидачот.Деновиве ќе се проба во пракса како ќе биде.



Се извинувам за дуплиот пост.

[AUDI]

Времево секако беше врнежливо и монотоно па си се занимавав со едно проектче.За ногарките користев 20х60мм профил а за седалката и навалачката 20х40мм.Малку ми одземаше време виткањето на профилите,не ги сечев по 45 степени па да ги спојувам.Ми останува да  направам ногарки кои ќе се подесуваат за да може да стои стабилно и на нерамнина,фино да го избрусам,дотерам, да го исфарбам и да искројам и зашрафам штички кои ќе бидат пајцовани.

[bear]

Ауди јајце, кул.

Доколку имаш уште материјал, стави неколку профили на површината за седење. Ем појако, ем некој покрупен нема со страв да седи.

Инаку топ изработка. 

[AUDI]

По моја мерка е правен,120+кг сум,да видам како ќе се понашаат штичките,можно е на седалката на средина со уште еден профил да го ојачам.Инаку ми се качив со нозе ,не мрда ,крут е и тежок излезе.

[nekojtamu]

По моја мерка е правен,120+кг сум,да видам како ќе се понашаат штичките,можно е на седалката на средина со уште еден профил да го ојачам.Инаку ми се качив со нозе ,не мрда ,крут е и тежок излезе.

Колку е тежок отприлика и дали го правиш за дома или за во двор?

[AUUU]

Браво мајсторе, само те следам и си викам што вреден се погоди чоеков, алал нека и е на таа што го земала.

[AUDI]

@nekojtamu Баш сега го мерев и мене ме интересираше,околу 17.5кг е тежок,за во дворот ми е и во план ми е уште да правам.

@AUUU Почетник сум на ова поле,дали 1кг електроди имам изварено до сега,сеуште учам.Фала на комплиментите.

[AllMightyMe]

Одлично изгледа, мене лично само тежината ми е. Железно е ок за маса, за столица ми е некако не толку соодветно како дрво на пример. Дополнително што металот е ладен па кај рачките секогаш ќе го имаш моментот.
Башка со цениве на металот...

[зоки-златен]

Проблем со кал и прашина-среден. Ме зезна дождот прошлите 2 недели, па ми се одолговлечи работата.