Дечки ме интересира до колку коња е дозволено почетник возач да управува со возило,колку што знам до 100 коња или грешка сум?
И уште нешто,дали полицијата се држи стрикно до тие коњи што се дозволени,доколку сте биле во ваква ситуација споделете некое искуство?
Границата е 77kw.
Искуство немам, од рекла казала некои тврдат дека за коњските сили гледат меѓу прсти, а за другите ограничувања (возење после 23ч. И брзо возење си казнуват прописно). Кажав рекла казала, не ме држи за звор, казната е 200 евра или 40 негативни бода!
Еве што вели ЗБСП:
Член 277
(1) Возач - почетник кој поседува возачка дозвола од категориите ,,А1“, „А2“, ,,А“, ,,Б“, ,,Ц1“ и „Ц“ не смее да управува со возило со брзина поголема од 60 km/h на јавен пат, односно со брзина поголема од 80 km/h на пат наменет исклучиво за сообраќај на моторни возила, односно со брзина поголема од 100 km/h на автопат, а со велосипед со мотор повеќе од 40 km/h, ниту смее со возилото да влече приклучно возило или да врши организиран превоз на деца, во рок од две години од денот на издавање на возачката дозвола.
(2) Возач-почетник на моторно возило, не смее да управува возило во патниот сообраќај во времето од 23,00 часот до 5,00 часот, освен ако со него во возилото на предното седиште се наоѓа лице-возач, од соодветната категорија и постаро од 25 години, на кое не му е изрекувана прекршочна санкција забрана на управување со моторно возило.
(3) Возачот од ставот (1) на овој член, кој поседува возачка дозвола од ,,А” категорија, не смее да управува со возило чија сила на моторот е поголема од 25 киловати.
(4) Возачот од ставот (1) на овој член кој поседува возачка дозвола од ,,Б” категорија не смее да управува со возило чија сила на моторот е поголема од 77 киловати.
(5) Мандатен платен налог со глоба во износ од 200 евра во денарска противвредност во мандатна постапка ќе му се издаде, односно ќе му се регистрираат 40 негативни бода согласно со одредбите од овој закон на возачот кој постапува спротивно на одредбите од ставовите од (1) до (4) на овој член.
