Вчера бев сведок на една случка која можеби доведе до незаслужена казна поради дивеење на полициски службенички со полициско возило означено како Гранична полиција.
На патот од Св. Наум кон Охрид попладнето (после 19 часот некаде) имаше поприлично сообраќај. На ретровизор цело време забележував дека некој претекнува на полна но не знаев дека е полициско возило. Потоа ме претекна и мене и продолжи да претекнува на полна.
После Градиште тргнаа да претекнуваат повеќе коли но имаше десна кривина и сакаа да се пикнат во десната лента, но бидејќи се возеше побавно поради колона и гужви, немаше простор да влезат в лента. Првиот од колоната мислам дека намали за да го претекнат и него (не верувам да беше свесен дека е полиција) оти ги забележа дека возат крајно небезбедно. Е арно ама тие сакаа порано да влезат в лента, но поради што се намали брзината на движење, немаше место. И во тој момент пуштија ротација и го застанаа вториот во колоната, а полициското возило го паркираа на коловозната лента (која и така е тесна), излегоја 3 полицајки и го блокираа сообраќајот. Дечкото сигурно си доби некоја казна.
Смеат да возат така доколку немаат пуштено ротација? Јас како што памтам, мора ротација да имаат пуштено за онакво возење. Во тој случај сите ќе беа свесни дека станува збор за полиција и ќе им се тргаа да бркаат работа.
Она беше крајно безобsирно возење (како што милуваат да пишуваат во објавите на Facebook) на тесен пат со милион кривини каде можеше да се случи тежок директен судир. Но, слабо почитување на законот и безбедноста од тие кои треба да го спроведуваат.
