За да се смени сообраќајната култура кај нас треба првин да се смени менталниот склоп на просечниот возач. Тоа ќе се случи оној момент кога жацото кога ќе излезе на улица и ќе го фати Трајче како непрописно ја паркирал колата одма ќе му врачи честитка без да размислува дали Трајче е вемеро или комуњар, дали Трајче е син на градоначалникот, на началникот, на локалниот моќник или дошол од некое забутано село да си купи опинци. Без да му ја мисли дали ќе му се јави шефот да му каже да не ја пишува казната или од штабот на партијата на власт, сеедно. Без да му се закануваат дека ако ја пише казната ќе добие прераспоредување во полициската станица во најодалеченото село во таа општина или од Источна во Западна Македонија.
Е, за да тоа се деси треба жацото да има најмалку 1000 евра плата и закон кој ќе го штити од сите погоре наведени сценарија кои за жал се секојдневие. За уште поголем жал закони кај нас има ама не се спроведуваат.
За да жацото има 1000 евра плата треба да исполни одредени критериуми за да биде жацо: да биде повисок од метро и жилет, да му фаќа црпката, да е физички и психички (многу битна работа во милиција) способен за вршење на службата, да не е битно дали е од оваа или онаа партија, ако е рамковен да ги исполни истите услови како и македонецот а не под дифолт да го земат за жацо а македонски не знае да бекне..........и многу други критериуми. Само што, кај нас се е обратно или сум ги извадил розевите цвикери. Нешто има. И да, за да ги земе тие 1000 евра треба да имаме добра економија ама тоа е друга тема.
Малку забегав, ама од искуство кажувам многу фактори се во игра, стварно многу и за жал кај нас тешко нешто да се смени во наредните 100 години....минимун.
И на крајот да се навратам на почетокот. Сообраќајната култура ќе се смени кога јас како просечен возач ќе добијам честитка затоа што сум сторил прекршок а немам каде да се обратам да ми ја скинат казната, нема да ми помогне ако командирот ми е другар или се јавам во штабот на партијата на власт за да го уценуваат жацото. Сообраќајната култура во истиот момент ќе ми се смени и ќе остане непроменета кога жацото ќе ми опали еден пендрек во глава затоа што сум му дал 10 евра за да не ми ја пише.
На крајот на краиштата не за џабе рекле: ти можеш да побегнеш од селото ама селото од тебе не.
