Здраво на сите,
нов возач сум (купив Chevrolet Aveo седан пред еден ипол месец). Автомобилот не се погоди баш, иако отидов и со автомеханичар за да провери дали е се во ред. Автомобилот нонстоп има механички проблеми - кога ќе размислам, не е толку зачудувачки, бидејќи е веќе стара 18 години. Ја земав за 2800 евра (најверојатно заслужувам да бидам осудуван, бидејќи неколку пријатели тврдеа дека сум можел да купам "далеку подобар и позачуван" автомобил за истата цена.) Но ајде, кога сум се нафатил на орото, ќе го играм. Се учи од грешките
Откако ја имам во моја сопственост, сменив:
=====
Масло за мотор 5W40(така ми беше препорачано од минатиот сопственик, иако на интернет каде и да пребарав пишуваше 5W30)
Антифриз
Филтер за кабина
Филтер за масло
Филтер за мотор
Вкупно: 5.500 денари
=====
Нова плинска боца (согледувајќи дека плинскиот систем кој бил инсталиран во автомобилот од поранешен газда - истиот бил атестиран во 2011та година, не се чувстував безбедно со старата плинска боца, па решив да ја заменам) - 10.000 денари
сменет сензор за плин BOSCH - 4.000 денари
сменети два филтри за плин - 2.000 денари
сменет регулатор за притисок на плин, не знам точно како се нарекува, делот што го разредува плинот, што го прави во прашкаста состојба - 3.000 денари
Вкупно 19.000 денари
=====
Потоа автомобилот почна да трокира и нерегуларно да работи, видов дека од каблите за свеќиците излегуваа искри, па ги сменив и нив. - 2.500 денари
=====
Почнав да бидам параноичен за состојбата и здравјето на моторот, па за секој случај решив да ги сменам и каишите
Сменет ребраст каиш (кога го отвори автомеханичарот здогледа дека ребрастиот каиш бил облиен во масло, па смени и некој си семеринг)
Сменета водна пумпа
Сменет линиски каиш
Сменето масло за менувач
Вкупно 13.500 денари
=====
Се на се, поправките ме коштаа 40.500 денари/650 евра. Мене тоа ми изгледа прилично скапо, ама не знам друго што да правам кога веќе сум се зафркнал, освен да ја доправам колата - за да си биде се на место.
Но уште од почетокот мајсторот за плин и автомеханичарот здогледаа еден "франкенштајнски" изум во колата, каде што најверојатно минатиот газда, заедно со негов автомеханичар се обидувале да решат некој проблем на моторот на поевтин начин. Во прилог ставам фотографии од мотор од иста кола - од интернет, и фотографии од моторот од мојата колa.
ФОТОГРАФИЈА ОД ИНТЕРНЕТ:
ФОТОГРАФИЈА ОД МОЈОТ МОТОР:
Станува збор за црево кое што излегува од (?системот за воздух или за вакуум?) и истото влегува во самиот мотор. Е сега, на мојата кола, цревото не влегува директно во моторот, туку е приклучено на самопрајски приклучок со 3 отвори.
Автомеханичарот се обиде да го извади приклучокот, го стави цревото директно во моторот, како што е и на сите други мотори на таа кола, и од истиот момент се појави многу силно цвикање - слично на тоа кога веќе животниот век на линискиот каиш е при крај, но многу погласен.
Не знаеме засега точно во што е проблемот, веројатно тоа е истиот проблем што минатиот газда покушувал да го реши, но ме плаши тоа што го избегнал и го "поправил" на свој начин, автомеханичарот ми рече дека проблемот би можел да биде многу евтин, или да оди многу подлабоко и тоа да ме кошта и до 450-500 евра.
Колата моментално со тој "франкенштајнски" изум функционира прилично океј, единствена замерка ми е што некогаш трокира, но планирам да ги заменам свеќиците и да го исчистам делот за контрола за гаста.
Но, сепак не сакам да ја оставам така, бидејќи моментално на тој изум, третиот отвор е откриен и не е приклучен за ништо, а осеќам дека има некаков вакуум кога го ставам прстот таму, и колата ги намалува вртежите, а и воедно сигурно всмукува нефилтриран воздух со секакви честици кои што влегуваат директно во моторот.
Доколку некој овде е имал некој сличен проблем/или се разбира доволно за да каже за што служи тоа црево, која му е намената, и кој би можел да биде проблемот, би бил благодарен.
Исто така се извинувам ако некаде во текстот се изразив погрешно, или користив неточно име за некој механички дел - нов сум во ова поле и се уште учам.
