Малку по малку почнав да ги решавам механичките глупости на Алфата. Имаше тропкање при промена на брзини и вибрации при забрзување, првична дијагноза од локален мајстор беше дека се крстачи на полуосовини. Во Аутомобиле СК ми рекоа “диференцијалот е, вози ја, скап е, ќе го смениме потаму“. Да ги послушав, и да продолжев да ја возам, ќе дојдеше до диференцијалот и ќе требаше да го сменам, шо е цца 700 до 800 евра зафат.
Ги сменив двата крстачи на полуосовините овде во Охрид, и ја сменив и манжетната од десната страна, беше скината. Мењачот е скроз тивок сега, немат тропање, немат чукање, а немат ни вибрации, проблемот решен. И се за 9,000 денари (6,000 за крстачите, и уште 3,000 за манжетната и работната рака).
За наредна недела планирам промена на масло во менувач, нарачав пред малку од Аутоцентар Тutela Gearforce 75W, и тој дел да го завршам.
