Денеска бев вреден
Најгоре на сликата се некакви гумени штитници или како да ги наречам, кои одат на контактите на грејачот на задното стакло на спојот на стаклото со вратата.
Поради некои причини воопшто ги немаше. Сега се поставени. Освен естетска, имаат и функција да на нив се потпира даската позади, и сега очекувам воопшто да нема вибрации и чкрипење позади.
Кога сме кај грејачите на стаклото, знае ли некој начин како да поправам линии кои не работат, или да барам ново стакло?
Под нив се граничниците на петта врата. Оригиналните беа пропаднати, а овие се добри. Сега е во линија со штоповите. Претходно идеше мааалце подолу.
И, најбитното е најдолу! Едно гумено делче кое личи на цуцла, и тоа е врска помеѓу копчето однадвор за отварање на петтата врата и механизмот. Оригиналното беше скинато, и требаше поштено да се притисне за да се отвори. Кога веќе чепкам тука, го исчистив и подмачкав и механизмот за отварање и резултатот е одличен! Лесно се отвара и ептен лесно се затвара.
Со тоа, петтата врата е готова.
