Темава е за одмори, ама ја користам и за викенди/продолжени викенди.
Да споделам едно искуство со кое уште немам конечен одговор дали се е во ред.
Имено, минатата недела бев 4-5 дена во Солун, на шетање.
Сместен бев блиску до главната сообраќајна станица/директорат на Солун, која се наоѓа
овде.
Во истото сместување бев веќе двапати, малку е тешко за паркинг, па претежно се паркирав по должината на целиот булевар (Dimitriou Margaropoulou) кој оди пред сообраќајната полиција.
Минатава сабота фати невремево долу, па подоцна излеговме од сместувањето.
На шофершајбната имав паркинг тикет и уплатница за во пошта, но во сабота не работат
(мислам дека намерно казнуваат во сабота бидејќи пред мене во полициската станица имаше и едни Албанци, со одземени таблички).
Мене табличките ми стоеја.
Вака изгледа казнава:
Вака уплатницата за пошта (захефтана на казната):
Ги сушев 10 минути во кола бидејќи ќе се распаднеа додека ги однесам до сообраќајнава полиција.
Таму прво ме прашаа дали ми стојат таблиците на кола и ми рекоа да го сликам ова и да постапам по него:
Преку НЛБ Клик апликацијата пуштив налог за девизен трансфер до IBAN сметката подолу.
Како attachment на налогот (бидејќи мора) ја ставив сликата од паркинг казната.
Во понеделникот ми ѕвонеа од НЛБ и некако ми се понашаа доста дрско, дури мислев и уште се мислам и да се жалам официјално на повисоки инстанци, на тој што ме побара. Како од џебот да му уплаќам пари, не од мои пари.
Зошто сум немал име на паркинг казната (му викам - Ме пишаа кога не сум бил во колата, како да знаат чие име???), ќе го откажеле налогот и не знам што.
На крајот излезе да ја испратам паркинг казната (во ПДФ формат) и сообраќајната (во ПДФ формат), бидејќи на паркинг казната ја пишува таблицата и така да го процесираат налогот.
ОК, го процесираа, помина тоа, па вчера испратив мејл до мејл адресите посочени на упатствата погоре, да проверат и да пишат дали се е ОК од грчка страна.
Еве уште чекам договор и ќе чекам изгледа.
Постов не е дека се жалам (секако сум крив), чисто да споделам искуство.
Еден познаник го треснале 700 евра пред некој ден бидејќи поминал на црвено, така да...
