Како што ветив, едно мое видување на Крф.
По Лефкада (2016, 2017) и Кефалонија (2017), време е да се посети уште еден јонски остров - Крф. Малку подолга пауза, но што е - тоа е.
Одлуката да се замине на Крф падна во 2019 година, но поради мал број денови за одмор од работа, таа година бевме на Тасос, а минатата година (2020) дури и имав резервација за Крф од февруари, но некаде во април бев принуден да го откажам сместувањето бидејќи Грците ги затворија границите поради короната. Тоа лето бевме „локално“, односно Охрид.
Минатата година расчепкав отприлика каде, што, кога и како на Крф, па оваа година остана само да се соберат пари, да се резервира сместување и траект. И одиме
________________________________________________________________________________________________________________________________________________________
ДокументиШто се однесува до потребните документи, ова е комплетната листа на се што ни требаше:
- Зелена карта
- Автомобилска асистенција (зедов Vozzi, пакет EU1, цена 2500 денари)
- Меѓународна возачка дозвола
- Патничко осигурување
- PLF формулари за влез во Грција
- Негативен тест за корона (направивме брз антиген со валидност од 48 часа, цена 1000 по лице)
- Билети за траект (испечатено што ми испратија по имејл, генералии и два QR кодови. Едниот код го скенираа при поаѓањете, другиот при враќањете)
- Pre-boarding health declaration (ова е потребно за траектот и при поаѓање и при враќање, што значи 4 копии, 2 по лице)
- Self-test од аптека (максималната валидност на тестот е 24 часа. Цената е 7 евра (од плунка))
- Self-test declaration (ова е поврзано со self-тестот, беше потребно за траектот при враќање, но не го ни побараа
________________________________________________________________________________________________________________________________________________________
Патарини:Вкупниот износ на патарини натаму - наваму е 22 евра.
Evzoni – 1.80
Malgara – 1.20
Polymylos – 1.40
Siatista – 1.50
Malakasi – 1.40
Pamvotida – 1.20
Tyria – 2.10
__________________________________________________________________________________________________________________________________________________________
Гориво, километри, граници и џепарац:Прилично брзо ги поминавме границите. На одењето, бевме на ГП Богородица / Евзона околу 02:00 часот и бевме први на двата шалтери, а кога се вративме околу 17:00 часот имаше 5-6 автомобили пред нас, исто така на двата шалтери.
Поминавме вкупно 1500 километри. Од Штип до Игуменица е точно 477 километри (преку Струмица - Богданци). Извозено околу 550 километри на островот.
Што се однесува до горивото, потрошени 118 евра:
Макпетрол (53.3L) - 52 €
Shell (32,9L) - 50 €
Макпетрол (16L) - 16 €
Моја лична перцепција е дека нема разлика во горивата. Ова го кажувам како искуство од овој одмор, како и секој претходен пат кога одам во Грција и ставам строго Shell V-Power Diesel.
___________________________________________________________________________________________________________________________________________________________
Траект:Резервирав траект преку Интернет од Kerkyra Lines. Тргнавме од Игуменица во 09:00 часот по локално време, со траектот Ano Hora II. Се вративме од Крф со истиот брод, 12:00 часот по локално време.
Цената беше 64 евра, повратни билети за двајца и автомобил.
___________________________________________________________________________________________________________________________________________________________
Сместување:Следев сместување можеби месец и половина, директно контактирајќи со газдите на Viber, преку имејл, Booking, Airbnb…
Јас дури и не знаев точно каде сакам да одам, гледав сместувања во Moraitika, Benitses, Perama, Gouvia, Dassia, Ipsos, па се до Barbati.
И можеби една недела пред поаѓање, се појави интересно студио во Gouvia - Gouvia House Luxury Apartments.
https://www.booking.com/hotel/gr/gouvia-house-luxury-apartments.en-gb.htmlhttps://goo.gl/maps/KK2Bp9hoNvmcmSEf9Газдата се вика Stavros Lamprousis и му помагаат две ќерки. Фактички, на ист плац има две куќи: ова сместување и Ekaterini Apartments во сопственост на неговиот брат. Гледајќи слики на Гугл, пред некоја година веројатно и двете куќи биле една целина (обоени во иста боја), но сега се поделени. Кога одев до плажите и назад, забележав дека газдата се дружеше со брат му и снаата, па веројатно се поделиле поради X причини
Што би рекол за сместувањето... хмм. Нашето студио беше на најгорниот кат. Ова е прво сместување во кое имав три (3) тераси. Една ОГРОММА, една пред влезната врата и една странична. На огромната тераса имаше чадор и 2 лежалки за да се сончаш преку ден или навечер за да се излежаваш на терасата. Студиото се состои од две соби. Една дневна соба (со два единечни кревети), во комбинација со добро опремена кујна, шпорет и голем фрижидер. Другата соба беше спална соба со брачен кревет што излегуваше на големата тераса. Купатилото беше доста добро и пространо.
Генерално, би дал рејтинг од 8,5/10. Еден недостаток е што нема клима во дневната соба, а таму има два кревети. Не знам кој би се осмелил да спие таму затоа што прилично стануваше жешко и спарно, а климатата од спалната соба не постасуваше баш да разлади цел смештак. Претежно бевме принудени да ја затвориме вратата помеѓу спалната и дневната соба.
Друг недостаток - нема базен
Цената што ја плативме е 440 евра, за двајца. 8 ноќевања (04.08.2021 - 12.08.2021). Пред да заминам, уплатив аванс од 100 евра преку Western Union.
___________________________________________________________________________________________________________________________________________________________
Itinerary:Овака некако изгледа одморот по денов, запишував (може и предетално) каде бевме и што посетивме.
04.08– Check in
– Lidl
– Germanos
– Corfu
05.08– Yaliskari Beach
– Glyfada Beach
– Ipsos
– Papagalos Gyros
06.08– Marathias Beach (Wave Beach Bar)
– Issos Beach
– Gouvia
07.08– Golden Fox (Lakones)
– Bakalokafenio Michalas Kostas (Lakones)
– Paleokastritsa Monastery
– Rovinia Beach
– Vlacherna Monastery
– Royal Boutique Cafe
08.08– Asian Museum
– Kanoni
– Agios Gordios Beach
09.08– Agios Spyridon црква
– Margherita Pizza Artigianale
– Emeral Bakery
10.08– Kassiopi
– Sidari Beach
– Loggas Beach
11.08– Agios Georgios Pagon Beach
– Malibu Summer Beach Club (Dassia)
12.08– Check out
___________________________________________________________________________________________________________________________________________________________
Одиме со впечатоци, слики и видеа, ден по ден.
04.08– Check in
– Lidl
– Germanos
– Corfu
Стигнавме во 10:30 часот на островот, а веќе во 11:00 часот бевме во сместувањето. Бидејќи патувавме ноќе и не бевме одморени, сме заспале и станавме околу 18:00 часот. Бидејќи веќе беше малку доцна за плажа, решивме да пазаруваме во Лидл и да отидеме до Германос да купам припејд СИМ - Cosmote WhatsUp со неограничен интернет за 30 дена.
Во Лидл мислам дека потрошивме околу 40 евра, а СИМ картичката чинеше 20 евра (12 евра за интернет пакетот + 8 евра за СИМ картичката).
Вечерта отидовме во градот, прошетавме низ центарот, уличките...
Видеа:
https://drive.google.com/file/d/1YVN3q1MbmJF5ckIQ0gBX_0L4GO27b9KA/viewhttps://drive.google.com/file/d/12BimBo5FiPez-2rjzHrh-4q9tMh2Ejy-/viewhttps://drive.google.com/file/d/1q8SIoHB43h_jluV9S5Spu0KpbeAbXwCA/viewhttps://drive.google.com/file/d/1LIwGc0yVM0Rl-ZYQwSo_WQlXEI_uL3vV/view05.08– Yaliskari Beach
– Glyfada Beach
– Ipsos
– Papagalos Gyros
Денот почна на плажата Yaliskari, онаа кај Pelekas. Но немаше место на песочниот дел, па останавме малку и отидовме до Глифада, од десната страна на плажата. Прилично искомерцијализирана плажа, нешто како Катизма на Лефкада. Лично, добро си поминав.
По враќањето во сместувањето и кратка пауза, продолживме со кратка прошетка до Ипсос и пробавме гиро во Papagalos. Скапи цени, ОГРОМНО мени, како и бавна услуга. Забележав дека Ипсос беше полн со млади Италијанци, не знам дали станал италијанскиот Кавос.
Кога сме веќе кај Кавос, не го посетивме затоа што мислам дека сега нема поента додека трае короната.
Yaliskari:
Glyfada:
Ipsos:
Видео од Glyfada:
https://drive.google.com/file/d/1M5VviTjPxLAsHOEAv0WSXKqbfzV2M2RR/view06.08– Marathias Beach (Wave Beach Bar)
– Issos Beach
– Gouvia
Се мислев која плажа да изберам, Gardenos или Marathias. Сепак, одлуката падна на втората, поточно на Wave Beach Bar.
Дуваше ветер прилично силно, така што пропадна опцијата да си ставиш свој чадор. Поминавме одлично, плажата можеби за мене е во топ 3 плажи на Крф.
Попладне продолживме на плажата Issos, а навечер, малку уморни од борењето со брановите и од сонцето, прошетавме околу пристаништетот во Гувија и ги разгледувавме мноштвото меѓународни јахти.
Marathias (Wave Beach Bar)
Issos
Пристаниште во Gouvia
Видео од плажата Marathies:
https://drive.google.com/file/d/1OdGK2amsSshB8ux9dbcHuB8MubqmqnD3/viewВидео од плажата Issos:
https://drive.google.com/file/d/1uCS3mABFQepceY-SVj6gwf_J2lNRP71V/view07.08– Golden Fox (Lakones)
– Bakalokafenio Michalas Kostas (Lakones)
– Paleokastritsa Monastery
– Rovinia Beach
– Vlacherna Monastery
– Royal Boutique Cafe
Го поминавме денот во регионот околу Палеокастрица, се искачивме до селото Lakones, се спуштивме до манастирот во Палеокастрица и продолживме кон плажата Ровинија. Водата беше премногу студена, не знам зошто.
Вечерта ја завршивме во Kanoni, предградието на главниот град, го посетивме тамошниот манастир Vlacherna и завршивме на пијачка во и сладолед во Royal Boutique Cafe.
Golden Fox:
Paleokastritsa Monastery
Плажата Liapades сликана при пешачењето кон плажата Rovinia
Поглед кон кафулињата над аеродромот во Крф
Црквата Vlacherna
Royal Boutique Cafe
Видео со поглед од Golden Fox:
https://drive.google.com/file/d/1oDeU4ig-DDXruBIWJlupzPLkKFYyoz6P/viewСлетување и полетување на авиони од аеродромот:
https://drive.google.com/file/d/1ZmQO-UT_mbFF3phV-sqGESQpkjwBZmQM/viewhttps://drive.google.com/file/d/1KlMB_0whDVLingyof-MhIEm8dVk4-2Sj/view08.08– Asian Museum
– Kanoni
– Agios Gordios Beach
Утрото го посветивме да го видиме градот Крф денски.
Попладне, како и зајдисонце, дочекавме на плажата Agios Gordios.
Крф
Agios Gordios
Денско слетување:
https://drive.google.com/file/d/1DQEMp5ENjOXGNCX97QGwePIr55YlmvNs/viewAgios Gordios:
https://drive.google.com/file/d/1mCeWzfgzGHdJDUqeFqpphil6eSD2qan5/viewЗајдисонце:
https://drive.google.com/file/d/1h9Ur2WYMy7MLyOJwS9IA18fUnmyuktGZ/view09.08– Agios Spyridon crkva
– Margherita Pizza Artigianale
– Emeral Bakery
Ден без плажа, бевме малку преморени и исончани. Околу 19:30 часот ја дочекавме литургијата во црквата Свети Спиридон, потоа отидовме на пица, повторно прошетавме низ градот и го завршивме денот со прекрасни колачи во слаткарата Emeral, која не е во градот Крф, туку на патот Гувија - Палеокастрица.
https://g.page/Emeralpastry?shareЦрквата Свети Спиридон
Пица маргарита од пицеријата Margherita Pizza Artigianale
10.08– Kassiopi
– Sidari Beach
– Loggas Beach
Сакавме да го поминеме претпладнето на плажата Mpataria кај Касиопи, но беше премногу гужва. Застанавме малку и продолживме кон Сидари, на големата плажа, поточно во Argilos Beach Bar. Беше премногу жешко пешки да одиме по каналите, па се искачивме само до најдесниот (Small D’Amour Canal).
Сакавме да го дочекаме зајдисонцето во 7-th Heaven Cafe во близина на Перуладес, но само се сликавме над плажата Loggas и продолживме кон сместувањето.
Sidari
Loggas
Видео од Sidari:
https://drive.google.com/file/d/14-Zkjfm8lIynro1fpWR77u0e84Q7wNzF/view11.08– Agios Georgios Pagon Beach
– Malibu Summer Beach Club (Dassia)
Претпладнето го поминавме на плажата Agios Georgios Pagon. Топло ви препорачувам ако одите од главниот град да возите до Sidari, а потоа да свртите кон Agios Georgios Pagon. Оние патишта што се нудат на навигациите се МИЗЕРИЈА. Паника ме фати кај заглавив, а сум возел по секакви беспаќа.
Попладне се вративме во Malibu Summer Beach Club во Дасија. Скапо место мора да се признае, 12 евра за сет од 2 лежалки и чадор, а ниту пијалоците/храната не се евтини.
Agios Georgios Pagon
Malibu Summer Beach Club (Dassia)
Видео од Dassia:
https://drive.google.com/file/d/1pktb0HzFKdtFpyN62ucfK66V1DwPelYi/view12.08Се спакувавме и тргнавме да го фатиме траектот во 12:00. По Egnatia Odos имаше поприлично гужва, најмногу на патарините. Во Штип стигнав некаде околу 18:00, со пауза-две.
___________________________________________________________________________________________________________________________________________________________
Традиционално, на секој одмор гледам да правам панорамски фотки (360 степени).
Glyfada Beach:
https://goo.gl/maps/wrgFjkHe4gsGApat8Marathias Beach:
https://goo.gl/maps/QpATJGvPou9yLyWU7Issos Beach:
https://goo.gl/maps/yZFGxKrQN1KCPh8BAAgios Gordios Beach:
https://goo.gl/maps/txYMBY227SHpsirF8Sidari Beach:
https://goo.gl/maps/JEBgdAu8jkDPBu9x8Dassia Beach:
https://goo.gl/maps/u5UjbdKBTA8i81oY7___________________________________________________________________________________________________________________________________________________________
