Ок
Продолжувам како што најавив со искуството што го имав со Шкода Јети. Возев две верзии, една 1.2 TSI во Elegance ниво на опрема и два пати Шкода Јети 2.0 ТДИ во Амбиент ниво на опрема.
Шкода Јети ме бендиса како концепт уште кога се појави. Тогаш имав прилика да пробам 1.2 ТСИ ама бидејќи не бев скроз решен дали да менувам кола ја провозев само по обиколница и низ Скопје. Имав мала предрасуда према марката, меѓутоа кога седнав и почнав да возам сватив дека нема место за предрасуда, и дека Јети е фантастична кола. Ме бендиса ептен удобноста на возењето и ергономијата. Елеганс нивото нуди фантастични седишта (за жал нема опција за алкантара) со лумбална подршка, ксенон светла, подпирач за лакт што може да се подеси по висина, добар систем (Болеро), итн итн.. Ме изненади колку добро вози во поглед на стабилност, удобност.. 1.2 ТСИ до 120 км/ч одлично влече, ама над 120 км/ч веќе фали снага (над 120 км/ч го доживеав чуството слично како во мојата HONDA HR-V со 1.6 Мотор атмосферец). Морам да признаам дека во тој момент едвај се воздржав да не ја купам, и веројатно да постоеше во тоа време варијанта со 1.4 ТСИ на лагер немаше да се воздржам. Уште еден момент што ме натера на воздржување беше што 1.2 ТСИ сеуште беа нови на пазарот и немаше доволно тестови на издржливост или жалби на реални корисници. И исто имав (и веројатно сеуште имам
), предрасуда во поглед на downsizing на мотори концептот. И покрај зачудувачките перформанси за 1.2 мотор, имав впечаток дека нема да биде издржлив ради покомплексниот начин на изведба со турбо компресорот во ТСИ моторите.
После извесен период кога ми созреа куповината на кола се вратив уште еднаш и пробав Шкода Јети со Амбиент ниво на опрема со мотор од 2.0 ТДИ 110 кс. Овој пат ја имав колата цел еден ден, и ја пробав од Скопје до Охрид , Охрид - Маврово, па назад во Скопје. Во оваа верзија ми фалеа гаџетите од Елеганс (лумбарна подршка, ксенон и слично), ама во секој случај истото чуство во поглед на удобност, стабилност и некако забавно возење. Исто 2.0 ТДИ 110 кс е веќе доволен мотор за ова возило. Осетно подобро влечење од 1.2 тси и тоа од почетна па до крајна брзина. Исто ова е моторот што најмалку ми потроши од сите. Тука да нагласам и ова важи за сите коли што ги пробав, дека не возев експериментално со цел да потроши што помалку, туку возев во стилот на возење што би возел и без да пазам. Јети -то феноменално лежи во кривини, нема никакво љуљање и 2.0 ТДИ 110 кс е добар мотор. Имав замерка за шкрипење на пластиката што е како обрач околу инструментите (украсна пластика која знае да крцка
). Ова крцкање не го приметив кај претходната Јети така да можда ова беше само на ова возило. Исто ми беше замерка што нема 5 -та брзина, ама може да се преживее. Кога се вратив во Скопје бев зачуден колку малку потроши а ја возев доста брзо. Не влегов во Скопје и продолжив по обиколница до патарина, и на тој дел ја возев најбрзо што можев, и дефинитивно вози добро и троши малку. Конечно влегов во Скопје, ресетирав компјутер и ја возикав низ град, ја качив по кривините до Средно Водно и се вратив дома
. Тука направив тест на простор, односно ставив два точаци во багажник. Тука Јети е фантастично решен бидејќи има играње со задните седишта, нуди рамен простор со спуштени седишта.. Може да се лизгаат напред/назад (освен средното), може да се извадат секое поединечно или сите.. И покрај малиот багажен простор како волумен, има многу можности за простор, се дури не седат луѓе на задните седишта. Меѓутоа ако се возат 5 -ца, тогаш веќе просторот е помал иако и така не е лош (го мерев и за нијанса е поголем него во Honda HR-V). Размислував дека можеби Јети е одлично димензиониран во поглед на димензии и во комбинација со штосовите со задните седишта, бидејќи е тамам и за низ град а и за патување (се дури не патуваат 5 -ца).
Во случај на неможност за играње со задните седишта (ако седат патници на задните седишта, иако и тогаш може да се излизгаат седиштата напред на сметка на комфорот на патниците) веќе багажниот простор е мал (поготово ако се оди во верзија со резервно тркало), ама сепак искористлив ради правата форма. Покрај малиот багажник (што е релативна замерка, може да е и врлина ради добриот компромис град/отворено во поглед на димензии), дизајнот му е на моменти ми е убав на моменти многу ружен.
.
Како и да е сериозно се запалив за Јети и тоа решив да ако купувам ќе биде верзија со 4WD, Elegance ниво на опрема, и тоа доградено со дополнитени нешта (ко паркинг сензори напред/позади, разни штосови ко греачи на прскалки, дупла сенка за сонце..) и со мотор од 2.0 ТДИ 140 кс или 170. За изборот на моторот имав сериозна дилема од причина што дизелот дефинитивно фантастично вози, меѓутоа ме загрижуваа потенцијалните скапи проблеми со дизелот, посебно со DPF во однос на режимот на возење што го правам. Бидејќи живеам во центар имам доста кратки а чести возење што читав дека може да биде лошо за современите дизели. Од друга страна па летно време имам многу долги возења
). Се мислев и за 1.4 ТСИ или дури и 1.8 ТСИ, ама немав опција да пробам, а и уште имав предрасуда за издржливоста на ТСИ моторите(во меѓувреме читав и за доста проблеми со ТСИ турбината), па побарав понуда сепак со ТДИ 140 односно 170 кс. Морам да признаам дека едвај се возржав да не ја купам. Не ја купив само поради:
1. Сватив дека кај нас луѓето имаат предрасуда за Шкода и со нивото на опрема што го сакав, погонот на сите тркала и моторот ТДИ 140 или 170 кс, како и доплата за гаранција до 5 години (за да не се секирам за потенцијалните пробеми со дизелот), дојдов до релативно висока цена (иако прилично реална), и дека би изгубил многу при продажба на возилото, бидејќи просекот на Шкода Јети кај нас е Амбиент опрема, преден погон и 2 години гаранција.
2. Релативно малиот багажник ако се возат повеќе луѓе (ама сепак поискористлив од Qashqai).
3. Тоа што возилото со опрема, мотор и слично што ја сакав, морав да ја чекам неколку месеци.
Како и да е Шкода Јети ми влезе во апсолутните фаворити за купување, и да ја имаше на лагер во боја/опрема што ја сакав веројатно и ќе ја купев.. Инаку единствена боја што дефинитивно не сакав да купам (ова важи за сите возила) беше црна
) Шкода Јети ја сакав во Mato Brown боја
Наредно возило што пробав и чиј што опис ќе следи: VW Tiguan
1.4 TSI 150ks
поздрав
Дарко
