Ок. Одиме Понатаму. Mitsubishi Outlander
Морам да признаам дека заедно со Шкода овој салон ми остави најдобар впечаток во поглед на услужливост во МКД.Можноста за тест возење беше да свртиме круг по обиколница или да го земам оутландер -от во Сабота наутро и да го вратам до крајот на денот. Се одлучивме на таа варијанта и го превземавме рано наутро. Дестинација за проба ни беше до Кичево и назад (сакав да го пробам по кривините на стража и пресека), а имавме и доволно правец. Овој СУВ има можност и за возење на 7 патници (има дополнителни две седишта склопени во багажник и за некаква кратка релација е изводливо да се возат + двајца, иако на подолго веројатно е крајно неудобно). Бидејќи веќе бев сигурен што од опрема сакам да има возилото , тест возилото беше со многу опрема ко подобрен аудио (рокфорд фосгејт), ксенон итн итн.. Моторизацијата дизел 2.2, 420nm i 177ks.
После некое време возење низ Скопје, излеговме на автопат. Уште низ Скопје приметив , ама дури на автопат сватив дека моторот на ова возило е.. Во најблага рака РАКЕТЕН ПОГОН. Забрзувањето, влечењето и снагата на ова возило беше ко кога се возиш на ролеркостер. Ти треба снага, стиснеш и те лепи за седиште и не ја снемува снагата. Не беше рекордер во потрошувачка, ама таа снага на педала, не те ни занима колку троши (бар мене не ми е најбитно во свет колку е потрошувачката). Знам на стража почнав да претекнувам возило и на сред претекнување почна да забрзува и да не ме пушта.. Само стиснав на гас и го оставив позади ама во секунд (и јас се изненадив како е можно така да влече) (мислам дека беше некаков голф 4 или 5). Кажав дека овој мотор е ѕвер од мотор?
Инаку цело време нешто шкрипеше од задниот дел, и на два пати застанував да видам што би можело да биде.. Испадна дека шкрипат задните седишта (третиот ред на преклопување), и дека нема чаре за тоа.. Држењето по кривини не беше дека љуља, ама како да рипаше задниот дел, и некако возеше ко камион. Во овој поглед беше полош од Јети -то на пример. Исто во поглед на удобност не е на прво место. Малку ме разочара квалитетот на звукот споредено со БОСЕ системот во Кашкаи -то на брат ми, и беше на ниво да речеме на звукот во ХОНДА ЦР-В. Исто изработката внатре не е така префинета. И фали доработување.. Со оглед дека ова возење беше одамна не можам точно да сетам, ама мислам дека немаше можност за подесување на воланот по длабина, и дека ова кај Митсубиши е прв пат направено дури кај АСХ. Дојде време за враќање , и повторно уживав во торкот и снагата на моторот , поготово на прави делови на патот. Финалниот впечаток беше дека овој СУВ дефинитивно има мотор за почит ама дека е преголем, фалат финеси внатре, малку повеќе удобност, и не нервираше тоа шкрипење од седиштата на преклоп, и не ми се бендиса камионестото возење по кривини.
Прашав што би била разликата со АСХ -от, и ми кажаа дека веројатно ќе вози слично, само што АСХ -от е помал иако има исто осовинско растојание. Кога ја додадов опремата на АСХ што ја сакав и погон на 4 тркала, и кога го видовме багажникот и општо изработката сепак сметавме дека нема да има потреба да го пробаме. За Оутлендер -от добив релативно добра цена за тест возилото, ама сепак решивме да одиме понатаму и да купиме или понуда што не се пропушта како половно/демо или скроз ново со нула километри.
Наредно тестирано превозно средство: ИЗНЕНАДУВАЊЕ
Дарко
