Комбинирањето на топлинска пумпа со фенкојлери е сосема оправдано кога во некоја просторија освен што ќе ја грееш со подно ќе треба и да ја оладиш во лето ! Нема сигурно да ставаш клима при постоечка топлотна пумпа (воздух-вода).
За тоа и зборуваме нели? Ги споредуваме двете опции.
Што тоа прави една топлотна пумпа воздух-вода со фенкојлер, а што не може да направи клима уред? И едното грее/лади со дување, и другото истото го прави. Освен што фенкојлерите имаат само 3 јачини на дување, а климите со инвертори имаат линеарно зголемување и намалување на дувањето според потреба.
Има само една условно кажано - предност за топлотна пумпа воздух-вода со фенкојлер. Тоа е естетиката на фасадата од објектот, пошто некој не сака да гледа неколку надворешни единици од клими. Таквите си плаќаат поскапо а инфериорно решение топлотна пумпа со фенкојлер, ние другите (помалку богати, и/или понеосетливи на естетика на фасада) користиме клима уреди.
Второ, температурата на испарувањето кај внатрешната единица температурата со која издувува не може прецизно да ја регулираш, дали ќе биде 25°С или 45°С, поправете ме ако грешам, можда јапанците измислиле нешто ново. Ова е битно за комфорот, кај фенкојлерот температурата на водата ја подесуваш колку сакаш.
Од искуство знам дека електрониката во климите е далеку пософистицирана од таа во фенкојлерите. Нека ме демантира некој постручен во ова, но така е барем во тие неколку фенкојлери кои сум имал прилика да ги видам (а некои и да ги користам, на работа). Фенкојлер има груби контроли со термостати. Од друга страна клима колку ќе ја наместиш, на толкава температура ќе одржува... Додека термостатите на фенкојлерите со време хистерезисот им иде поѓавола и некогаш и по 5-10 степени целзиуси разлика се потребни за да вклучи/исклучи греење или ладење. Ма каква инвертор клима, и обична он/оф клима е покомфорно решение од фенкојлер, и за ладење и за греење.
Исто така ако имаш потреба од догревање на просторијата поради високи тавани или сл. нема да можеш да го пушити подното на повисока температура заради здравствени причини него ќе ставиш фенкојлер во кој ќе циркулира вода со повисока темп. од подното и ќе ја догреваш просторијата.
Ова може да направи разлика само во изолирани мали простории со висок плафон. Нормално дека таму нема логика да се стави било какво подно греење. За нормален стамбен простор мислам дека подно греење е најдоброто решение. Куќи и станови ретко имаат повисоки плафони од 3 метри.
Потребна е ситуација со плафони повисоки од 4 метри, и со големи термални загуби, за на подно греење да му треба повеќе од 30с за да го загрее просторот. Кој нормален стамбен простор е со плафони повисоки од 4 метри и со големи термални загуби?
