Diesel-ашишта vs Benzin-чиња

[Simo - Carrier159]

Загадувањето е функција од потрошувачката. Ако е лажирана потрошувачката - лажирано е и загадувањето. Ако мерцедес ги лажирал за 50% податоците за потрошувачката на „новите модели“, автоматски лажирал и 50% од загадувањето.

Не?

Не станува збор за лажирање, барем додека не се докаже дека тоа го правеле - како за VW што се докажа. Се работи за разлика помеѓу тест моделот и реално возење. При точно дефинирани тест услови, кои не ги отсликуваат реалните - возилата имаат помала потрошувачка. Ако потрошувачката е поголема и до 50% од тестираното, тогаш и загадувањето е до 50% поголемо од тестираното, во реални услови. Но ако имаш дивајс кој што лаже како кај VW, тогаш 10-40 ПАТИ е зголемено загадувањето со одредени материи. Тоа значи дека на секој измерен милиграм NOx по килметар на тест, нивните возила во реалност испуштаат 40 милиграми NOx. Ако го тргнеш тој дивајс од колата, и на тест ќе покажат зголемено загадување. На мерцедес нема што да му тргнеш за на тест да покаже зголемено загадување. Треба тестот да се смени и да се доближи до реално возење.

[filipv]

Симо, на сите ни е јасна дистинкцијата меѓу „нереални резултати добиени со лажирање“ и „нереални резултати добиени со лошо дизајниран тест“. Да, таа дистинкција е суштинска и околу тоа нема дискусија.

Разликата „тест вс реална потрошувачка“, како што сите се согласуваме, не е нова и е резултат на начинот на тестирање. Меѓутоа, во светло на ВАГ скандалот, се откриени нови разлики кои не се однесуваат на „сите коли, и бензинци и дизелаши, и стари и нови...“ туку конкретно на бензинци, конкретно нови и од неколку конкретни произведувачи.

Па не е ваљда дека во EPA сега им текнало дека тестовите за потрошувачка се такви какви што се со децении и плус пропуштиле да приметат дека истото не важи само за нови бензинци на мерцедес, бмв и ваг туку дека важи за сите коли и стари и нови и бензин и дизел?

"„Also on Monday, a European environmental organisation said it had found evidence that some new models of Mercedes, BMWs and Volkswagen cars are consuming up to 50% more petrol than lab tests have suggested."

Како и да е, ќе треба да почекаме нови информации пред да продолжиме да мудруваме.

[velestrumf]

Also on Monday, a European environmental organisation said it had found evidence that some new models of Mercedes, BMWs and Volkswagen cars are consuming up to 50% more petrol than lab tests have suggested.

The Transport & Environment organisation said that, while they had no evidence of cheat devices similar to those in Volkswagen diesel cars, the gap between fuel economy levels judged in lab tests and those seen in real road driving for gasoline (petrol) cars had risen to 40 percent in the past year.

They specifically singled out Mercedes for criticism, suggesting its A, C and E class models showed differences of over 50% between lab tests and real-world performance.

Мислам дека пред некоја година во САД некој го јадеше за ова, за декларирана вс реална потрошувачка...

[zeroSignal]

Kia/Hyundai и Ford.

[Simo - Carrier159]

@filipv, И јас имам докази дека Аlfa 159 TBi троши 10% повеќе во реален урбан циклус од декларираната потрошувачка.  Ама немам докази дека Alfa Romeo лажирале на тестовите на NEDC и не сум сигурен дека кај секого потрошувачката е 10% од декларираната. Дур не се најдат докази дека намерно е правено нешто за да се лажираат тестовите, тогаш останува само на претпоставката дека тестовите не ја отсликуваат реалноста.

https://youtu.be/AVOi1HSROZo?t=199

[zlatkoa]

Според декларираниве потрошувачки на форумов, не постои дизел што троши над 5 литри, и бензинец над 8.

Незнам од каде сега овие афери со потрошувачкава.

[Luki Junior]

Според декларираниве потрошувачки на форумов, не постои дизел што троши над 5 литри, и бензинец над 8.

Незнам од каде сега овие афери со потрошувачкава.

Кај мене има 4% под декларираната потрошувачка од фабрика. 

[filipv]

Дур не се најдат докази дека намерно е правено нешто за да се лажираат тестовите, тогаш останува само на претпоставката дека тестовите не ја отсликуваат реалноста.

Дека тестовите не ја отсликуваат реалноста не е претпоставка туку емпириски утврден факт, безброј пати низ децениите. Не збориме за тоа дали има разлика. Има. Збориме дали освен разликата која е резултат на дизајнот на тестот, можеби постои и друга, дополнителна разлика која е резултат на активно лажирање. EPA вика демек "found evidence" (EPA сигурно знаат како до сега се тестирала потрошувачката! Она "found evidence" не верувам дека се однесува на нивното листање по тест документации достапни со децении!) Повторувам, треба да почекаме да видиме што точно нашле.

[Simo - Carrier159]

Да видиме, до тогаш не би ги поистоветувал VW со останатите производители. Кој фаличен аргумент беше тој „Ако лажеле за дизелите тогаш лажеле и за бензинците - гарант!“

[filipv]

Кој фаличен аргумент беше тој „Ако лажеле за дизелите тогаш лажеле и за бензинците - гарант!“

Тоа би бил класичен non sequitur, само не приметив некој да го изнесе тука во последниве страна-две.

[Simo - Carrier159]

Во таков контекст ја разбрав оваа реченица, без тенденција да те набедам за изнесување фаличен аргумент.  Затоа и не го цитирав постот.

Ко што ВАГ лажеле за издувните гасови на дизелашите, на сличен начин тие и други лажеле за потрошувачката на бензинците: на тестовите покажувале само 50% од реалната потрошувачка.

[filipv]

Треба еднаш конечно да престанеш да ми реплицираш на твоите слободни интерпретации на она што сум го напишал и наместо тоа да се фокусираш на она што навистина сум го напишал. Верувај, поедноставно е, ќе се заштитиш себе од цапање во straw man-и, а на форумот магично ќе се намали шумот и тупењето.

[Simo - Carrier159]

Се извинувам.

[filipv]

Се извинувам.

:-) Ајдее... нема потреба од извинување. Нит ме повреди, нити си имал лоша намера. Но, многу дискусии биле прво ушљакани, а после и прекинати само заради моментот „ти напиша тоа-и-тоа, а уствари мислеше она-и-она“. Така да, ако више се извинуваш, извинувањето упати го до угњавената форумска публика која после е неминовно бомбардирана со вакви досадни „ама ја уствари неќев да кажам ова туку она“ „а-а, како не, ти кажа ова, ама ја те прочитав тебе, ти сакаше да кажеш она“ постови. Ја можам у секој момент да престанам да пишувам и да се спасам :-) ама темата отишла јабана неповратно.

[Simo - Carrier159]

Се извинувам до угњавената форумска публика.