Ciao. Come stai?
Вчера возев Сузуки Витара со атмосферски v6 бензинец од 2.3 литри. Релација Карпош 4 - Долно Соње - Карпош 4.
Шознам.
Повторно ја има онаа ретка тиња од ништожност на ниски вртежи. Стискаш папуча и (скоро) ништо не се случува, освен што моторот ќе го смени звукот. Брзина подоле, вртежите 2500-3000 и почнува да тегне. Да бидам по прецизен - многу убаво и јако да тегне. Корне! Но, во вртежите во кои ќе го поминам 95% од времето во 95% од ситуациите? Тапа џонс.
Пред да срипате „аха, ама тоа е големо и тешко возило“ да ви кажам дека тежи 1.3 - 1.4 тона. Ко обична кола.
За овие својства на бензинците сум пишувал и порано стопути. Но, сега пишувам пак затоа што некако мислев дека таа мизерна дупка на ниските вртежи е чисто заради малата кубикажа на типичниот бензинец кој сум го возел. Дека кај поголемите бензинци не е така. Но, ете, големичок шестак и повторно истата приказна. Повторно угорницата од Долно накај Горно Соње мора у втора. Повторно истото шалтање со десната рака при секоја промена на конфигурацијата на патот, повторно истата досадна потрага по торкот со десната нога. Сега галија папучата, сега нагази ја, ама немој премногу, ама немој премалку. Уби боже. Да, искусен возач ќе се навикне и ќе го наоѓа торкот несвесно, но човек се навикнува на се и сешто.
Дизелот е каде-каде попријатен за возење. Риспонс на папучата од гас имам секогаш и секаде. Дизелчето во кокошарникот, иако со помала максимална коњажа и со два цилиндра помалку, и иако колата е стотина кила потешка, каде-каде полесно ги совладува угорничките и кривинчињата. Иако максималната коњажа е помала, коњажата која навистина ја развивам е поголема (пошто, освен ако не се тркам, неќам да возам на 3000+ рпм). Можам многу полесно да ја пратам правата доза на торк кон погонските тркала. Полесно држам темпо. Полесно претекнувам. Колата е по жива. Полесно и поубедливо мрда. Повеќе време имам да ја разгледувам околината и да уживам во животот.
Да се обрние внимание дека ниту еднаш не ја спомнувам потрошувачката и дека зборувам исклучиво за ужитакот при возењето. Помеѓу 2.3 v6 атм. бензинец и 1.5 dci K9K го бирам второто без милисекунда двоумење и без милисекунда помислување на потрошувачката.
Свесен сум дека новите турбобензинчиња го немаат тој проблем и дека влечат мазно низ целиот спектар на вртежи. Но, тогаш го имаме проблемот со потр.... уствари, ај, реков нема да ја спомињам.
Гласање
