Еве едно мислење од мене на оваа тема.
Сум возел бензинци, дизелаши, од најнови до најстари па еве го моето сознание.
Дизелот ќе биде поекономичен од бензинот во било која ситуација, од 20-30% според мое чаршиско размислување. И тука нема простор за муабет, ова е факт. Дизелот е поекономичен од бензинот.
Меѓутоа овде играат и други фактори кои мора да се земат во предвид, цената на одржување, компонентни, цена на гориво, регистрација/осигурување? И најважно, изминати километри во една година.
Дизелот ќе биде поскап во редовното одржување, поскапо масло, погоглема количина на масло, поскап сервис... Дизелот исто така има и многу ранливи компонентни кои чинат многу скапо ако откажат. Меѓутоа, дизелот како мотор во принцип и поиздржлив и подолготраен од бензинот бидејќи дизелот со својата работа во меѓувреме постојано и се подмачкува, па може да истера голем број на километри. И бензинот е сосема способен за истото но тогаш нема да биде економичен бидејќи со поминати голем број километри (200, 300 илјади) автоматски дизелот испаѓа поефтин и во одржување и во возење.
Модерниот дизел ќе биде пријатен за возење, голема моќност при мали обртаи. Одличен за долги патувања.
Меѓутоа дизелот се повеќе станува поскап дури и од бензинот, Пример во Англија, Швајцарија, Скандинавските земји дизелот е за 20 до 30% поскап од бензинот а низ другите европски земји е за влакно поефтин (10-15 %). Ова е голем фактор. Исто така, барем на запад, дизел возилата плаќаат поголема регистрација и данок, а последниве 2-3 години мораат да имаат канистери со blue efficiency и филтри за честички кои бараат редовни сервиси што ги прави многу поскапи за одржување од претходно а и склони се на дефекти бидејќи е нова технологија.
Бензинот е најчест кај фамилијарните автомобили низ Европа и најзастапен па дури и кај поголемите патнички возила (џипови, СУВ) (освен товарните и комби возилата)
Откако ќе направите една математика, поскапата цена на дизелот (од старт да се купи) до поскапите сервиси, поскапата регистрација (ако е предмет) ќе видите дека за еден дизел мотор да се исплати при денешните услови потребно е да се помине (зависно од моделот на колата, потрошувачката) околу 80 до 100 илјади километри за да почне дизелот да биде економичен. Ова е споредено (моја математика) со 2 идентични возила, при поскап дизел гориво, поскапа варијанта да се купи возилото...Откако ќе ги поминам првите 80 илјади километри тогаш дизелот ми станува економичен и почнува да се исплаќа.
Меѓутоа, јас во моментов поминувам околу 10 до 15 илјади годишно па дизелот не ми игра воопшто никаква улога. Додека поминам 80 или 100 илјади со мојата кола ќе сакам да ја сменам. Меѓутоа оваа математика не е иста за некој кој поминува над 25 па и повеќе илјади километри годишно, тогаш очигледно е дека дизелот ќе се исплати.
Најдобар одговор ќе добиете ако си го поставите прашањето дали ми треба дизел или бензин возило и ја направите следната математика:
- број на километри кои ги возам во годината
- трошок за гориво при оваа километража (разликата меѓу бензин и дизел)
- трошок за сервис при оваа километража (разликата меѓу бензин и дизел)
- разлика во цена при купување (дизел моторот секогаш ќе биде значително поскап да се купи) ако купувате на старо, нема да најдете малку возен дизел за добра цена, барем не во странство
Кога ќе ги решите овие загатки ќе добиете една бројка која ќе ви означи колку пари ќе заштедите при возењето на дизел и споредено со другите трошоци ќе добиете бројка на колку километри ќе треба да поминете за дизелот да почне да ви се исплаќа.
Гласање
