Искуства со услуги и цени по официјалните сервиси

[StefanMK]

Да точно Астра  Ј .

[nikola_bb]

Еве сакам да ја споделам мојата голгота што ја поминав цела недела во Кавадарци, луѓе внимавајте на овие манипулатори и преваранти

Многу големо негативно искуство со МБ Бош Кавадарци.

Возилото беше исправно и го однесов во МБ Бош Кавадарци исклучиво поради репарација на дизните. По нивната интервенција започнаа сериозни проблеми со возилото кои претходно не постоеја.

По репарацијата на дизните, возилото влезе во limp/safe mode, поради што имав дополнителни трошоци и непријатности при враќањето од Кавадарци во Прилеп. Дополнително, се појавија и дијагностичките кодови P060E и P037E (Glow Plug Control Module Feedback Circuit Low).
За репарацијата ми беа наплатени 21.500 денари. Потоа ми беше побарано да платам дополнителни средства за замена на клапната, за која ми беше кажано дека била оштетена при демонтажата и монтажата на инјекторите. (Со што несакаа да превземат никаква одговорност).
На работниот налог беа наведени сензори кои требаше да бидат исчистени, но тоа, според моето искуство, не беше направено.

Во текот на престојот во сервисот, комуникацијата со Влатко беше крајно непријатна. Тој ѝ се обраќаше на мојата сопруга со висок тон, а во еден момент дојде и до закана со физичка пресметка врз мене. За мене, ваквото однесување е целосно неприфатливо кон клиент.

Петар, во телефонските разговори, ме уверуваше дека автомобилот е среден и дека сè што било наведено на работниот налог е сработено. Сепак, откако по третпат се јавив за да добијам одговор и дополнително објаснување, повеќе не ми се јавуваше.

Откако ја донесов колата дома, направив сопствена визуелна инспекција и забележав дека еден од конекторите на самиот грејач воопшто не бил приклучен.
Исто така, забележав дека целиот моторен простор бил испрскан со вода, по што на dashboard-от почнаа да се појавуваат повеќе сериозни предупредувања и грешки, меѓу кои Check Engine, Service Vehicle Soon и Engine Power is reduced. Кога реагирав за ова, Влатко ме убедуваше дека јас таква кола сум им ја донел.

Колата ја однесов исправна, исклучиво за репарација на дизните, а по преземањето започнаа сите овие проблеми.
21.500 денари платени, дополнителни трошоци и непријатности, проблеми што се појавија по интервенцијата и крајно непрофесионален однос кон клиентот.

Ова е мое лично искуство со сервисот и, врз основа на него, МБ Бош Кавадарци не би го препорачал.

Toa ke vikav sto ima veze glow plugs so injektori. Ama si pisal

Sent from my SM-S938B using Tapatalk

[StefanMK]

Еве сега во моментов правам детална инспекција, го гледам тој пластичен капак што се вметнати дизните во него што се спојува со самиот мотор, наместо Влатко Кавадарци и син му Петар да стават нов дихтунг , начукале силикон, и на самите дизни околу нив има мал дел на масло , сега избришав сето тоа со тампон за уши . Па ке видиме дали ке пушта масло на самите дизни. Клапна , инсталација и самите конектори се полни со вода и масло, што правеле и што им се има закршено работата само тие знаат. Како ја стартувале колата после првата репарација Господ знае само и тие двајца.

[nestor04]

Единствено останува да ти препорачам мајстор на Варош што ми работеше на Лексусот, Опелџија во душа, треба да работи деновиве на мојата астра ј.

[ficomk]

Ако некој ти направил штета, не пишувај само на форум. Види си какви правни механизми имаш на располагање и терај ја работата ако се исплати.

[ialeks]

комшијата однесе нов фолксваген за прва годишна смена на масло со филтер, заради гаранцијата мораше во официјален сервис.
наплатија 9600.... маслото јасно скапо, ај филтерот што којзнае дали го смениле 1200, ама штопна 450? а истата ја вратиле, не
беше нова. работна рака 600.
повеќе ќе беше за ценење за работната рака 1000 или плус, а не вака лажење... и после да се имало доверба во нив?

[Filip MK]

Како тргна ова со штопните од пред некоја година, сега ескалира драстично, нема заебанција со штопна на VW 

[vladic3110]

20 коли денес за промена масло, 20000ки  денот
Платите од штопни ги врват,

[Carpathian Lord]

Менуваат се, оти им виси јамка ако не сменат, ама дека наплаќаат глупости - наплаќаат. Јас си знам

[Tischläufer]

комшијата однесе нов фолксваген за прва годишна смена на масло со филтер, заради гаранцијата мораше во официјален сервис.
наплатија 9600.... маслото јасно скапо, ај филтерот што којзнае дали го смениле 1200, ама штопна 450? а истата ја вратиле, не
беше нова. работна рака 600.
повеќе ќе беше за ценење за работната рака 1000 или плус, а не вака лажење... и после да се имало доверба во нив?

Во Порше ли?