Фер искуство со Citroen Avtonova, па да ги препорачам.
Имаше останати две ситници на колата после целата генералка на почеток на летово:
- ја вадев и чистев клапната и притоа го дисконектирав акумулаторот, па клучот се дерегистрирал од модулот за далечинско заклучување
- возачкиот прозор не работеше скоро 2 години. Различни дијагнози од моторче, осигурачи, копче и така натаму ме натераа во овластен да си ја однесам и мирна глава.
Се јавив, резервирав термин во сабота. Се појавив, прво имаше малце натегање за кодирање на клучот зошто колата е на име на татко ми (разбирливо, не е на мое име, не може кој сака да иде да кодира клуч за туѓа кола), но ја провери по број на шасија во систем и виде дека до 2015 и 115.000 километри (кога ја купив јас) била сервисирана во официјален, па ми рече „ќе завршиме работа ај“.
Ми рекоа да си седам тука или да си прошетам додека не ми се јават. Помина некое време, ми ѕвонат на телефон, ми викаат „клучот го средивме, 1200 денари, прозорот го проверивме, моторот работи ама копчето немаме начин да го провериме, а такви нити имаме, нити веќе се произведуваат“. Фер кажано.
Одам да ја подигнам колата, ми вика „Глеам по име и телефон дека си регистриран во клубот на Цитроен, да знаеш дека имаш 30% попуст на делови и уште нешто на работна рака ако правиш сервиси кај нас. Колава пред да ја купиш ти има сменето ребраст ремен со се пропратно, и според километража помината и според години, време ти е пак да менуваш“.
Не му побарав понуда зошто буквално пред 1 месец го средивме се тоа, но добро е што нити прашано, нити интересирано се понудија со 30% попуст, што можда го прави сервисирањето во овластен исплатливо за понатаму...
П.С.
Проблемот со прозорот бил скината жица некаде во шалт табла, во Гостивар никој не сакаше да се позамара да го открие. Во Тетово, некои рандом електричари за пола саат ја средија.
П.П.С.
Откако ќе одам да ги испичкарам мороните во сервисот кај што ми го правеа задниот трап, ќе пишам искуство и за нив, кај да не носите кола.
Мислев дека не го направиле трапот како што треба зошто почна да тропка. Уствари, тие господа неписмени, не ги заштрафиле амортизерите за кола.