Побрзо од очекуваното концернот Фолксваген ја купи втората половина од производителот на спортски автомобили Порше. Од зделката државата меѓутоа нема да добие ниту цент.
Автомобилскиот концерн Фолксваген од 1-ви август ќе ја преземе втората половина од производителот на спортски автомобили Порше и за тоа ќе плати 4,46 милијарди евра и една акција, соопштија производителите на автомобили во Волфсбург и Штутгарт.
„Единствената марка Порше ќе стане составен дел на концернот Фолксваген. Тоа е добро за Фолксваген, за Порше и за индустријата во Германија“, изјави претседателот на Управниот одбор на Фолксваген Мартин Винеркорн. Фолксваген и Порше „преку фузијата во иднина ќе ја зајакнат војата оперативност - финансиски и стратегиски“.
Мартин Винтеркорн
Двата концерни користат дупка во законот за даноци и на тој начин избегнуваат давачки за државата во износ од 1,5 милијарди евра. Фолксваген исто така презема 2,5 милијарди евра долгови на производителот на спортски автомобили. Од даночно-правен аспект не се работи за продажба, туку за интерно преструктуирање и затоа се користи едната акција. А, тоа е ослободено од данок.
Фолксваген очекува дека овој потег ќе му донесе добивка на концернот уште оваа година. Порше со добиените пари има намера да отплати банкарски долг од две милијарди евра. Првата половина од концернот Порше, Фолксваген ја купи пред повеќе години за 3,9 милијарди евра.
http://www.dw.de/dw/article/0,,16073528,00.html?maca=maz-rss-maz-eco_timemk-4723-xml-mrss
