Opel Enigma е уствари нова Calibra?
Дали и вие сте еден од оние кои мечтаат по времињата кога моделите на Опел како Астра и Калибра владееја на пазарите на спортските автомобили? Самиот Oпел сака да ја оживее легендарната Калибра иако поради економската криза се светлосни години далеку од било каква службена премиера.
Opel Enigma
Но, тоа не значи дека не можеме да си замислеме како би изгледало новото спотрско купе со ознака Oпел. Во оваа приказна се вклопува и дизајнерот Дејвид Кардосо кој го направил овој интересен концепт на купето и го именувал Opel Enigma.
Opel Enigma е замислен како спортско купе со четири седишта. Темелен на платформата Chevrolet Camara, овој концепт може да се смета како модерен наследник на Calibrа.
Задниот дел на автомобилот е инспириран од Insignia, додека страничните површини на предниот крај носат дизајнерски траги од Astra GTC и Flextreme концептот, вели Дејвид Кардосо.
Ова GT купе може да го користи 4x4 погонот на Opel како и моторите од ОРС линијата. Овде се мисли на добар 2.8 литарски 6-цилиндарски турбо мотор кој доставува 324 КС и 435 Nm.
Убаво би било доколку повторно видеме спортско купе од Opel.
