Затоа јас во уводот на тој пост, пред било што друго реков дека е потребно пошироко запознавање со истражувањата во таа област за да се добие увид во пошироката слика.
Јас не го негирам тоа (веќе повторувам по втор или трет пат) за добивање на поширока слика. Пошироката слика или разбирањето на како функционира една област (истражувачка, индустриска или општествена) не треба да се поистоветува со земањето за право за правење непроверени, неистражени коњукции, корелации или паушални изјави. Една работа е информирано мислење, друга работа е мислење базирано на емпириски факти, докази, мерења, експерименти и изразување интерпретација базирана на претходнонаведените извори на информации кои потврдуваат или негираат определена изјава/мислење/хипотеза. Знаењата на еден човек, големата слика, интерпретацијата и сите процеси поврзани околу самата човечка когниција се многу комплексна работа и никогаш не треба да се земаат здраво за готово.
Јас (како што ликови као Влатче љубат да ме цитираат) не сум ништо друго освен љубопитен ентузијаст. Ме интересира се и сешто, но посебно ме интересира се окулу имунитетот. Нека разбере кој како сака, но не се фалам кога ќе кажам дека имам подоста прочитано од оваа област. Ова што го реков за поврзаноста меѓу инфламациите со автоимуните болести, како и дека чести причинители на инфламации се вакцините заедно со храната и (не)квалитетот на животната средина... Тоа не е нешто што јас го „открив“ па сега овде го излагам. Тоа е често зборувана и дебатирана тема, има и многу научни трудови и студии, се зборува во подоста научни и медицински подкасти на нет. Кој ги следи работите би го знаел ова, но мнозинството овде не ги следите работите (барем не доволно) и не знаете.
Јас не верувам дека тука некој ти го негира ентузијазмот или твојата љубов кон истражување и читање на нови работи. Без разлика дали е наука, здравство, имунитет, (гео)политика, патриотизам, историја. Јас конкретно во овие два-три постови конкретно посочив работи од тие истражувања/научни работи дека презентираат работи многу поразлично од тоа што ти како ги интерпретираш или користиш во твојата аргументација. Понатаму, воопшто не негирам дека немаш прочитано многу работи, но тој факт тебе не те прави авторитет дека по автоматизам корелацијата што ја ставаш под капата на “поголемата/генералната слика“ е всушност точна. Колку што ме држи сеќавањето, со ставањето на самиот себена повисок пиедестал и даваш аргументи од позиција на авторитет кон “пошироката публика“ со споделување “разводнети“ линкови, е исто дел од т.н. заблуди.
Конкретно за автоимуните болести и најразличните форми на воспаленија, исто тука никој не го изнегира нивното постоење или спомна дека грешиш и за нив. Друго, претпоставките дека автоимуните болести, воспаленијата и нивниот придонес кон развивање на канцерогени/малигни заболувања се познати само во медицинскиот свет и никаде на друго место ти се погрешни. Автоимуните болести ги има со векови наназад и повеќето луѓе кои имаат таква болест, имаат блиски во фамилијата со таква болест, се повеќе од свесни за големиот ризик за добивање рак/тумор. Едноставно, не можеш да правиш претпоставки и конструкции само и единствено врз база на недостаток на напишани информации во одредена тема на одреден форум. Ако во слободно време читаш, разгледуваш, разглобуваш и анализираш научни трудови, голема е веројатноста да ја снема навиката за правење претпоставки врз база на недостаток на информации.
Тоа што реално треба да го увидите е дека јас со целиот мој лаички ентузијазам, сум многу повеќе спремен да дискутирам на оваа тематика од мнозинството овде - и дека (чест на исклучоците, ако ги има) мнозинството овде не се ни обидува да се едуцира повеќе за да има информирано мислење за работите како вакцинирањето, состојбата со Здравството, итн, итн. Се голтаат како локумче послужени работи од пропагандата по медиумите, и се одбива да се слушне се што се коси со створената општа илузија за незамарање.
Искрено, јас немам впечаток дека си спремен да дискутираш на оваа тематика околу овие истражувањата. Конкретно за истражувањата, ти недостатуваат основните вештини за анализа на податоци, информации и резултати во даден контекст без да паднеш на искушението да ги гледаш и анализираш резултатите од поинаков контекст, средина и еко-систем во кој тие истражувања се направени и се добиени резултати такви какви што се добиени. Понатаму, не знам дали имаш практични вештини од статистика, математика, математичка статистика и дискретни структури за да можеш да ги изанализираш податоците самиот и да видиш дали ќе дојдеш до истите заклучоци и сознанија од податоците презентирани во истражувањата. Не е тоа критика, туку реалност која сам ја признаваш (со други зборови, лаик си).
Друго, обрни повеќе внимание на начинот на кој се пишувани и аргументирани овие истражувања, и во нив никогаш нема да го забележиш твојот начин на аргументација кој го користиш тука на форумот. Никој од нив не прави инцидентни изјави и сомнителни врски помеѓу причина-последица, и особено не кога има недостаток на податоци и сознанија.
Трето, не можеш да оквалификуваш дека некој нема желба да се едуцира или да има информирано мислење само затоа што неговиот когнитивен модел, разбирање и слободно-временско едуцирање довело до различни размислувања, ментални модели и светоглед довеле до различни размислувања од твоите. Се што можеш да заклучиш е, дека има различни размислувања од твоите. Ништо повеќе и ништо помалку. Со внесување и користење на аргумент “јас сум многу поначитан“ само покажува слабост и немање аргументи особено кога се работи за интерпретација и разбирање на абстрактен систем како “македонското здравство“.
Ги читате целите научни студии ил само апстрактите и заклучоците?
Нормално целосно. Конкретно сите што ги пушти Ван во овие преписки ги прочитав.
