Друже Луки, ти во случајов си пример за добар познавач на дрвата (метафора). На жалост типично за добрите познавачи на дрвата е некогаш да не ја гледаат шумата.
Јас нема да спорам ништо од тоа што прилично елоквентно си го напишал поназад. Ништо освен делови од заклучокот, но за тоа после.
Работата е во тоа што не разбираш дека јас не се обидувам да го покажам Трамп како борец против социјализмот (и комунизмот). Тој самиот се обидува да се покаже во такво светло, што е многу разбирливо пошто ликот е политичар, кој сака да биде избран на избори. Но муабетов не е за тоа дали Трамп е антикомунист, или дали комунизмот почнува да се шири во Америка. Ниту муабетов е во техничките детали на нивното здравство, обамакер реформите, и слично.
Муабетов почна со фактот дека работниците плаќаат за џаболебарите.
Уште поважно, полека доаѓаме до моментот дека сето тоа е контролирано и менаџирано од најбогатите кои ги експлоатираат и работниците и џаболебарите. Така е и во Америка, и таке е насекаде низ светот - иако сега конкретно зборуваме за Америка па на тоа и ќе се задржам.
Америка неоспорно е една голема
корпорација клептократија со корпорациски фронт имиџ, со која непречено владеат неизбрани клептократи кои всушност се олигархиски династии. Малку поразлично од твоево пишување дека се разботи за корпорација, но суштински исто. Јас сум последниот кој ќе го спори ова. Напротив, токму за тоа зборувам.
Тоа што работниците плаќаат здравство за џаболебарите, додека мрмотите ги виткаат чоколадата, е само еден дел од се што се случува.
Погледни кој е изворот на графикот кој си го постирал. ZeroHedge. Кој е бе другар ZeroHedge? Да објаснувам јас на драгата форумска публика која ја замараме со нашите преписки, кој е, или ќе имаш доблест сам да им претставиш за каков блог се работи? Или ќе си премолчиш, затоа што произведува написи извадени од контекст, кои ги поддржуваат твоите тези и заговори?
Jaс веројатно сум последен овде кој слепо би
верувал на медиум. Зерохеџ мене ми се интересни затоа што ја покажуваат и другата страна на паричката. Дали Зерохеџ се 100% објективни? Дали ги толкуваат податоците по „нивно“ и дали не ги покажуваат работите од сопствен аспект? Дали не заработуваат пари?
Се разбира дека Зерохеџ не се целосно објективни, и се разбира дека Зерохеџ заработуваат пари. Но нели истото (и многу полошо) го прават ЦНН и остала меинстрим медиумска багра?
Вистината велат е во очите на свидителот. Некој слепо верува на ЦНН и сличните, или можеби некој верува во се што ќе прочита на зерохеџ и сличните алтернативни медуми. Но реалноста е некаде измеѓу (иако веројатно е подалеку од ЦНН а поблиску до алт-медиумите). Јас лично, податоците ги земам од каде што можам, и потоа носам свој заклучок. Податоците кои ги има на Зерохеџ, често се достапни само на алт-медиумите. На меинстрим медиумите целосно се отсутни, дури и со меинстрим толкување.
Човек од некаде треба да најде податоци за работите да ги види од повеќе агли. Мислам, ако сака сам да создаде слика за реалноста, и ако не сака да биде манипулиран.
Во конкретиов муабет, податоците од графикот за кој дискутираме, се преземени од следниов документ:
https://aspe.hhs.gov/system/files/pdf/256751/IndividualMarketPremiumChanges.pdfТој документ е хостиран на:
https://www.hhs.govА тоа е вебсајт на:
The U.S. Department of Health and Human ServicesПрилично релевантни податоци, би рекол. Но ајде да не дигресираме во муабети за медиуми.
