Секој објект кој има температура под точката на кондензација во собата ќе кондензира, незнам како да го доловам тоа поедноставно. Алуминиумски прозорец е топлински мост кој ќе има температура приближна до повлијателната страна. Тој многу лесно ќе се спушти под точката на кондензација во собата. Согласно тоа ќе почне да собира вода на себе. Таа вода кога ќе се насобере во доволни количини ќе почне да формира капки чија големина ќе резултира во капење.
Во соба со температура од 24 степени и влажност од околу 50% (или 75% или 25%) точката на кондензирање ќе биде 13 степени (или 19 или 3 степени). Тоа значи дека во соба која има точка која има 13 степени ќе кондензира. Што всучност тоа значи? Тоа значи дека ниедна точка во собата не смее да има температура пониска од 13 степени (во просек) за да не се јави кондензација. Во случај на сушење алишта во собата (на пример) ќе се покачи и влажноста во собата па со тоа и темпертурата на кондензација. Исто така може да се земе отстранувач на влага и да се спушти вредноста на влажноста во собата а со тоа и точката на кондензација. Но, да земеме просечна вредност од 50% влажност за понатамошна дискусија.
Формулите се комплексни за на форумов, ќе треба многу да се објаснат. За да го скратам процесот ќе поставам линк од википедија.
http://en.wikipedia.org/wiki/Dew_point но има калкулатори по нет кои може да ги користи секој. Еве на пример овој (прв ми излезе на гугл)
http://www.dpcalc.org/Согласно температурите кои ги добивме, треба сега да образложиме што значи тоа во пракса.
Рамката од дрво има во себе голем број на шуплини кои се полни со воздух, воедно тоа го прави дрвото добар топлински изолатор. Затоа од надворешната страна на собата доколку е -5 степени со просечен ветер од 5кмч, а во внатрешноста ако е 24 степени температурата на рамката од внатрешна страна ќе биде во близина на 20-22 (зависно од рамката) степени. Тоа значи дека на рамката нема да се јави кондензација дури и кога ќе се сушат алишта во собата со голема влажност. Зборуваме за рамката, ако температурата на стаклото падне под овие вредности ќе си се јави кондензација на самото стакло, но земаме дека истото стакло ќе се користи за поедноставување на системот, заради тоа што сега зборуваме за рамки за прозори.
ПВЦ рамките во истите услови имаат неколку воздушни изолациони комори во себе. Тие се многу помалку на број од дрвените прозори, но се добро распоредени. Има рамки со различен број на комори, но сепак може да го земеме просечниот модел. При гореспоменатите услови, PVC рамката ќе има температура од околу 17-22 степени. Тоа значи дека во најголемиот број на употреби рамката ќе ја задоволи потребата за да не кондензира се до вредности на влажноста од 70% во собата при 24 степени.
Алуминиумските рамки не се изолатори, туку се преносители на топлина. Тоа значи дека нивната температура ќе биде околу 5-11 степени. Таа многу варира од ветрот и надворешните температури. Покрај тоа што губат топлина и не чинат повеќе за загревање на просторот, тие не ја задоволуваат потребата за домашни услови заради температурата на кондензација. Тие ќе кондензираат секогаш кога условите ќе наложат, а бидејќи стандардните услови кои ги земавме за споредба наведуваат на точка на кондензација од 13 степени при 24 степени и 50% влажност. За да избегнеме кондензација треба или да ја намалиме внатрешната температура, или да ја намалиме влажноста во собата - или двете. Бидејќи овие услови може да се сретнат во комерцијални објекти, тие може да се користат кај нив. Поготово што цврстината на алуминиумот е висока, па и неговата издржливост низ годините ќе е поголема.
Постојат и
алуминиумски рамки кои имаат прекршен термички мост од најмалку 5.3 милиметри. Тоа значи дека надворешниот дел на прозорецот, и внатрешниот дел на прозорецот не се проводнички поврзани. Тоа доведува до значително подобрување на карактеристиките на алуминиумската рамка, во поглед на пренос на топлина. Цврстината на прозорот е намалена, а со тоа и неговата трајност во комерцијални услови, но со овој вид на изработка тие се враќаат за употреба во домовите. Прекршениот мост наведува дека температурата на внатречната рамка ќе се покачи на 17-20 степени па согласно на тоа и ќе се намалат загубите во топлина, а ќе се намали можноста за кондензација. Овие прозори ќе може да се употребуваат во просечното домаќинство без да имаат проблеми со кондензација, заради тоа што точката на кондензација во собата е пониска од нивната просечна температура.
Тоа се причините за кондензирање на различните типови на прозорски рамки, и проблемите кои се јавуваат кај просечниот македонски граѓанин. Затоа алуминиумските прозори без прекршен термички мост кондензираат.
Се надевам малку-од-малку Ви ја доближив мистиката на прозорските рамки.
