Не денес, речиси секој ден ме нервираат фаци кои се однесуваат како да се најпаметните во сообраќај:
1. кога од Ленинова се приклучуваш на Илинденска, можно е да е запалено помошно зелено, а главното светло да е црвено, а пред тебе имаш една или две коли. Една лента е, ќе си почекаш да се отвори зелено за право.
Е не.... постојат „фаци“ кои заобиколуваат две-три возила возејќи по левата лента, го претекнуваат првото возило што чека и вртат остро десно. Сосема непрегледна ситуација, оти секогаш кога од Ленинова е отворено помошно зелено, отворено е зеленото и од Илинденска, да не зборувам што додека „паметниов“ да стигне, веќе се отвора зелено за право и блокира цела колона, блокирајќи го првото возило.
Честитам, заштедивте вкупно 2,5 секунди!
2. Неколку стотини метри по Илинденска, преку мост Гоце Делчев - левата лента е речиси секогаш празна, затоашто подолу, под Мост и се затвора. Сите што чекаат во средната лента се глупи, само „најпаметните“ возат во лева и чекаат да бидат пропуштени пред стеснувањето. Е жими патикиве, не пропуштам никој, има да си чекаш!
Краен резултат - „најпаметниот“ од сите возачи со Нисан Алмера чинам, заглави кај Судска, токму правејќи такви „трансфери“ од лента во лента.
Честитам - не стигнавте побрзо!
Многу се нервирам од вакви „паметни“ возачи. Понекогаш си викам дека ќе си купам Пегла и не штедам никој...
