Затоа кога се препорачува нешто некому, ја сносиш одговорноста за таа препорака. Лесно е на интернет зошто не го ни знаеш човекот. Но, ако му препорачам нешто на пријател и го купи. А после 6 месеца кога ќе види дека требало нешто друго да купи ќе биде несреќен за одлуката. Јас несакам да ги гледам своите пријатели несреќни. Не велам дека тоа ќе се случи со телевизоров. Далеку од тоа. Сигурно е одличен - но за одредена клиентела, не за сите. Не треба да се генерализира.
Секој ја сноси одговорноста за своите одлуки. Мене ми е важно кога давам совет, да дадам совет за нешто во што имам некои знаења. Да ги покажам фактите. Да не дозволам продавачот да го одврати од поволен производ со базворди како „ФУЛХД„ и слични. Резолуцијата е само еден фактор, помалку важен од контрастот, распоните на осветлувањето и сатурацијата, итн итн. Одлуката е потоа индивидуална, според личните преференци на купувачот.
Болдираниот дел вели дека во основа истото го велиш и ти. Иако после се вадиш со нешто во стилот „купете си најскапо да не бидам после јас крив„. Тоа не е баш најдобар совет, се разбира освен ако пријателите не ти се богаташи со пари за фрлање.
Но се согласувам дека тоа е
безбеден совет.
Незнам што сакаш да доловиш. Всушност знам сакаш да го оправдаш телевизорот со тие и тие параметри, но малку барем да сме објективни. Полошо е да земе некој нешто за кое може да се кае отколку да земе нешто што можеби е подобро но многу помали шанси за каење.
Ниту ме знаеш, ниту ме познаваш. Премногу си дозволуваш, да ме обвиниш за необјективност и конструкции... затоа што некои работи ги гледам различно од тебе.
Јас од мојот телевизор сум сосема задоволен, и уште повеќе од концептот. Bare-bones TV со главни атрибути: големина, контраст, сатурација и генерално квалитет на сликата. Никакво значение ми нема дали е 720р или 1080р кога не седам залепен пред екранот, туку добри 3 метри подалеку.
Филип преска спомна нешто што е прилично важно,
големината на пикселот. За мене 720р на 50’’ има таман пиксел, во комбинација со ТВ кој има добар контраст и опсег на сатурација, па уште и плазма... филмското доживување е одлично. Одлично.
Искрено тврдам дека не сум видел подобра слика кај ниеден роднина, познаник, колега, пријател, а има и такви со дупло, па и повеќе од дупло, поскапи телевизори. (ок ова не е фер споредба, посебно зошто ниеден од тие телевизори не е плазма... но сепак)
Можеби најважно е што самите тие го кажуваат истото, па и не им се верува колку пари кошта и дека „не бил ФУЛХД„.
Летово ќе треба да размислувам за телевизор за во спална. Ако ми налета некоја поволна понуда со 60-70 инчен плазма ТВ со 720р, извесно е дека ќе го пазарам. Зошто во новата дневна телевизорот најверојатно ќе биде 4-5 метри од гарнитурата за седење. И затоа што нема да има разлика во однос на 1080р. И затоа што, како бонус, фимовите ми заземаат помалку место и побрзо ги симнувам.
Сегашниот 50’’ ТВ, во тој случај би идел во спална.
Така да, кога некој прашува за совет за ТВ, со чиста совест препорачувам: плазма (ако можат да живеат со недостатоците), да е што поголема дијагоналата, по можност 720р и да е глуп (непаметен). Тоа 720р не заради тоа што 720р е подобро од 1080р, туку заради тоа што разликата во пари, по мене, е многу подбро потрошена во големината, отколку во резолуцијата.
У однос на 720p вс 1080p дискусијата.. Јас го гледам телевизорот на дистанца од околу 2 метри.. Праиме муабет за 42" LCD 1080п.. На истото место порано имав 37" LCD 720п и гледам забележителна разлика.
Секако дека имало разлика, но дали разликата се должела само на резолуцијата. Дали телевизорите биле: ист бренд, иста ЛЦД матрица, иста физичка величина, поврзани на ист 1080р capable видео извор?
Кога горните услови би биле
сите исти, и само резолуцијата различна, само тогаш можеме да зборуваме за релевантна споредба на 720р и 1080р.
Но несомнено сите различно гледаме на работите, затоа кога некому давам совет, на крај велам ОК сега кога ти кажав се, оди и види сам како
тебе ти изгледаат работите.
