Здраво друштво, имам искуство и сакам да споделам и со купување и со користење на услугата на ORYX.
1. Дознав за услугата преку другар кој имаше незгода во Грција и ја имал услугата купено при регистрација на возилото (најверојатно неговата осигурителна компанија е партнер со ORYX па веднаш му е понудено)
По незгодата зазвонил во својата осигурителна компанија од каде добил број каде да пријави за шлеп. Од јавувањето на тој број за 40 минути камионот од Гевгелија веќе бил на местото на настанот. Ништо не платил за шлеп од северна Грција некаде (не знам точна локација) до Струмица.
Тој е задоволен од услугата, брзината и навистина не се некој пари за тој мир.
2.Од кога дознав дека постои почнав да истражувам како можам јас да земам. Мојата осигурителна компанија не е партнер, мојата банка не е партнер, лизинг немам.. и така ми се намалуваа опциите.
Отидов во Нептун, нема никакви ограничувања, платив 1599 денари, само име, презиме и телефон ми побараа, за 3 минути се готово.
Дечкото беше информиран, одличен, се заврши брзо. Ми испринта неколку листа од општи услови за користење, го внесе мојот број во системот и толку.
Ми рече дека ќе ме бараат од ORYX за кодот во апликацијата, но јас тука прочитав дека кодот е НЕПТУН, и така и ја сетирам УСПЕШНО и апликацијата.
Така да се на се многу лесно и брзо завршив се.
Исто битно да се напомене дека е врзано за личноста, нема врска со автомобилот, само треба да биде носителот на полистата присутен во возилото, што е исто така одлично.
Важи една година, не е поврзано со регистрацијата на возилото.
Се надевам дека помогнав на некој, поздрав!
