Малку да се освежи и оваа тема со некои податоци на кои можеби некому ќебидат од круцијално значење, дали при избор на ново или половно возило
Сакам да кажам неколку збора за и околу потрошувачката на возилото и неговата удобност.
Дефинитивно морам да кажам дека возилото е неверојатно удобно и тивко на отворен пат. До 120 км/ч воопшто не се чувствува брзината ниту пак се слушаат шумови од надвор, ниту пак гумите (ова зависи многу и од самите гуми).
Кога станува збор за стабилноста и таа може да се каже дека е солидна бидејќи се работи за СУВ кој што е многу многу повисок од нормално возило...
Потрошувачката на отворено, возено по знаци се движи од 6 па нагоре литри за поминати 100 км.
Најчесто ако не се дивее со колата, тоа е околу 6,5 во просек на поминати 500 километри.
Доколку ни тежи ноџето а и имаме вишак пари во џебот, слободно може потрошувачката да ја качите и над 7 литри, но со брзина до 140 км/ч таа нема да пребаци 7 литри што може да се каже дека е одлично.
Во услови на градско возење, стандард како и кај секој бензинец таа се движи над 8 литри во Скопје. Тргни застани, семафор, бла бла бла....Повеќе стоење во место одлколку возење. Тука е предноста на дизелот во однос на бензинот. Е сега за да се види колку се штеди на гориво со старт/стоп системот, треба доста експериментирање, но кој да има слободно време и нерви тоа да го прави.
Ке кажам уште збор два за некој работи кои ми паднаа во очи читајќи го форумот деновиве.
Станува збор за задните издуви, односно кај повеќето возила во оваа а и многу повисока класа кои се само украсни маски на задниот браник.
Тоа не е случај со 2008, односно французите не штеделе и не шминкале во овој модел. Незнам дали на другите 2008-ци е исто така или пак заради нивото на опрема е различно. Сепак тука станува збор за GT Line пакет на опрема.
