Здраво на сите,
Гледам дека по форумот има доста квалитетно реставрирани постари возила и возила во изработка, па да го претставам и јас мојот старо-нов проект со кој се занимавам последните неколку месеци. Станува збор за Porsche 944, произведено 1982 година (првата серија на моделот 944) со 2.5л мотор и 163кс. Возилото е донесено од Швајцарија некаде 97-98 година, запленето е од царината и стоено е на поранешниот царински склад кај аеродром Петровец до 2005 кога е купено од татко ми, префарбано и механички средено. Во 2011 година е продадено и пак купено назад во декември 2017 со поминати само 600км во тој период. Се на се, возилото е стоено незапалено вкупно 13 години. Слики од периодот 2005-2011 година за жал немам.
Ова е слика направена некаде 2015 година кога возилото беше веќе долго време невозено.
Возилото е земено назад кај мене декември лани со план за комплетна реставрација. Првото перење после 6 години:
Со оглед на тоа што механичката состојба на возилото ми е целосно позната, направен е голем сервис (масло, филтри, каиши, затегачи, водна пумпа, хидраулични држачи за мотор, амортизери) и направена е целосна контрола на подвозјето, и промена на сите потребни гумици. Некои од деловите се доста тешки за наоѓање, меѓутоа успеав да комплетирам се и возилото да биде механички во комплетно исправна возна состојба.
Следна фаза е надворешно фарбање на возилото со оригиналната боја по код, која во 2005 беше сменета со посветла златно-кафеава боја. Возилото е однесено кај мајстор, каде се направени одредени потребни корекции и целосни припреми за фарбање и е ставено во филер:
Истовремено, извадена е комплетната внатрешност без теписон и е однесена на репарација. Шалтаблата има доста пукнатини од долгото стоење на сонце кои би требало да се средат, додека страничните панели на вратите се во одлична состојба и само ќе се исчистат убаво и истретираат со средства. Седиштата се исто така избледени од сонце, но немаат никакви оштетувања по нив па ќе бидат целосно реставрирани, офарбани и доведени на ниво на фабричка состојба.
Се мислев шалтаблата да се облече во кожа, но се откажав од таа идеја бидејќи така би го изгубил оригиналниот изглед на истата, а главна цел ми е возилото да изгледа најблиску што може до фабричко.
Исто така, купени се и нови гуми кои ќе се монитраат откако ќе се исфарбаат фелните.
За крај, возилото е вчера офарбано и излакирано и следните слики се од денес:
Бојата според кодот е оригиналната за возилото на мене ми изгледа одлично
Останува сега да се офарбаат вратите, браниците, хаубата итн. да се реши дилемата дали фелните да останат иста боја (која ми е пресветла во однос на бојата на возилото) или да се оди на една нијанса потемна сива и да се среди и монтира внатрешноста и мислам дека возилото ќе биде комплетно и спремно за возење и уживање
За секој понатамошен напредок ке постирам овде, па оваа тема ќе ми биде и како еден тајмлајн за возилото
