На 101.400км сменето: ламела, потисна плоча, друк лагер, масло во менувач, виљушка на менувач. Цел зафат изведен во официјалниот сервис за Цитроен, Автонова во Скопје.
Откако вчера го превзедов возилото од сервис, после 2км поминати се откачи зглобот од полуосовината на предно лево тркало. Возилото остана неподвижно. Ова се случи на паркинг, на тргнување. Веднаш се јавив во Автонова за да им рекламирам за настанатата ситуација. Дечките дојдоа на лице место за 15 минути, пробаа да го оспособат возилото за да го однесат до сервис, но обидот беше безуспешен. После 1 час дојдоа со шлеп служба го земаа возилото во сервис, денес ми се јавија да си го земам возилото со заменета полуосовина и отстранет дефект. Причината за дефектот со полуосовината не успеав да ја дознаам, претпоставувам дека е дотраеност на зглобот и сетот лежишта кои што се наоѓаат после зглобот и веројатно невнимание при монтажа ама не сум 100% сигурен. Како и да е проблемите се целосно отстранети.
Веднаш по превземањето му направив хард тест на возилото, до средно Водно и назад, па го извадив на заобиколница и му дадов зорт за сите пари. Функционира беспрекорно.
