Дополнително термостатот беше заглавен на затворено, моторот качувал температура и дихтунгот изгорел.
Чудно кола со 95 000км да изгори 2 дихтунга. Па нема ли некоја сијаличка да светне, да свири нешто кога ќе качи температура колата?
Како и да е, со здравје да се вози колата ако е среден проблемот 
Сигурно имало, ама сервисирана е кај локални мајсторчиња, и сигурно тие проблемот го решавале со гасење сијаличка, бришње ерори и дотурање антифриз.
Претпоставувам дека термостатот бил заглавен цела зима, и не дошло во ситуација да загрее доволно за да го оштети моторот посериозно. Колата е возена на релација Лисиче-Макстил (железара). При првото губење на антифриз, кога моторот загреал доволно и нивото на антифриз било доволно ниско, го смениле дихтунгот, но не и термостатот. Новиот дихтунг незнам каков бил, но во Автонова ми покажаа дека не бил соодветен затоа што отворите од дихтунгот кои што идат врз каналите каде што циркулира антифризот беа поголеми отколку што треба и дополнително бил душмански престегнат до прецвикување. Последица на тоа е често прелевање на издувни гасови од цилиндерот во системот за ладење, заради тоа што дихтунгот повторно беше прснат помеѓу вториот и третиот цилиндер и тоа доведе до појава на тенок маслен слој во експанзиониот сад за антифриз.
Стариот сопственик незнам дали бил свесен што се случува, ама мајсторот што ја сервисирал претходно колата бил цреп невиден. Сопственикот си доотурал антифриз, вода и си терал.
Откако го отворија моторот ја проверија главата на моторот дали е искривена, за среќа не беше, симнаа превентивно површински слој за да легне подобро новиот дихтунг и да нема микро нерамнини. Сите штрафови на главата се сменети, затоа што старите беа престегнати и речиси уништени. Новиот дихтунг е оргинален ОЕМ од Цитроен.
Претходно сменет беше цел термостат, и сега колата спие.
После 3000 километри, антифризот е во нормала, ни трага од масло во него, масло не троши воопшто, системот за ладење е измиен целосно и функционира одлично.
Кратко кажано, си барала грижа колата, ама не ја добила.
