Го имам веќе 2 месеци, ама не дошло ред да го паркирам во гаража.
Мало, споро, тивко, таман за низ град. Купено е исклучиво да ме носи од работа до дома и ништо повеќе.
Од дополнителна опрема може да издвојам АБС, Клима, Електрика на прозорци и уште некои ситни работи кои што не би ги вброил во опрема.
Го земав од прв сопственик од Скопје со 94000 км. Колата беше релативно запуштена кога ја земав, претходниот сопственик не се замарал воошто околу одржувањето.
Во кабина беше прилично валкана, но сочувана без никакви оштетувања. Веднаш ја пуштив на кај Даме на средување и ја направи стакло. Голема благодарност до Даме.
Подвозјето беше солидно, сменет е десен стабилизатор, и доби нови летни гуми. На крај пројде на центрирање подвозје кај Тихо.
Каросерија. Десниот праг беше чукнат на тротоар и свиткан. Поправено и префарбано во Автомакедонија.
Мотор. Сменето:
- филтер за бензин
- филтер за полен
- филтер за масло
- дихтунг на капак
- дихтунг на глава
- термостат
- свеќици
- гумички на вентили
- семеринг на брегаста
- ребраст каиш
- водна пумпа
- клинаст каиш
- филтер за воздух
- масло во мотор
- дополна фреон во клима
Сите сервисни активности завршени во Автонова. Ми дадоа одличен попуст на целата услуга, делови и работна рака, и не ми се исплатеше да идам по други мајстори.
Сега возилото е средено и е во топ кондиција. Спие. Се што беше запустено од првиот сопственик е заменето и средено, по мој ќеиф.
Прозорите ги затемнив кај Аце со 50% провидна фолија.
Во Дог Секјурити си доби комплетно ново озвучување и радио.
Цела кабина е дампирана - изолирана со армафлекс (сивиот самолеплив материјал од Клима Комерц). Целиот процес го направив сам.
Исто така планирам да ги сменам сегашните седишта комплетно со подобри и понови од друг Цитроен Ц2, истите веќе ги имам набавено и чекаат монтажа.
Други инвестиции освен потрошен материјал, мислам дека во догледно време ќе нема.
