Пробав да најдам некои податоци на интернет, но не успеав, па бидејќи сте најстручни во Македонија би сакал да поставам неколку стручни прашања на екипата на ПЛИМОНТ:
1) Колкав е притисокот на дизните на уредите Landi Renzo OmegaS, LandiMax plus и PRINS?
2) Со колкава прецизност на вбризгување е секоја од нив и колкави се одстапките?
3) Каква е разликата при употреба на различните дизни?
4) Од што зависи минималното време потребно за префрлање од бензин на плин?
5) Дали секогаш има бенфит од употреба на поскапи дизни или има случаи каде нема бенефит
6) Дали постојат суштински разлики помеѓу уредот на PRINS и Landi Renzo OmegaS и дали уредот на PRINS e подобар од Landi Renzo
7) Дали е вистина дека уредот на PRINS има дупло поголем притисок на дизни, 10 пати по прецизни дизни, 100 пати е попрецизен во одредување на запалливата смеса во однос на уредите на Lovato, Landi Renzo и Marini?
Иако е прашањето до Плимонт, бидејќи не е во приватна комуникација, ќе си земам слобода да продискутирам малку:
Притисокот на дизни? Дизните на плинските уреди се уствари мини-електро-вентили, кои се отвораат и затвораат во одредени временски интервали. Притисокот го регулира (намалува-редуцира) редукторот или испарувачот, кој како си го вика, до вредност која е доволна плинот да премине од течност во гас, и плус тоа да обезбеди добро мешање со воздухот. Оттука, може да стане збор за временски интервал на отворање на дизните и притисок на редукторот. Временскиот интервал на отвореност на дизните, зависи од следниве параметри: отвор на дизната и притисок во рејлот после редукторот. Ако е дизната и притисокот се големи , времето на отвореност на дизните ќе биде пократок. Ако е тоа во преголема мерка, односно се бараат премали времиња на отвореност од системот, тогаш времето на циклусот отвори/затвори е премало, па може да се деси дизната да не пропушти доволно плин - не ваља!
Ако е обратна ситуација, премал притисок, премала дизна, при големи побарувања за гориво од страна на моторот, ќе настане ситуација во која дизната ќе биде предолго отворена па ќе помине всисниот циклус, а таа нема да испорача доволно плин во системот - повторно не бива!
Притисокот во рејлот треба да биде повисок од оној кој владее во усисната гранка, за всушност да има размена на гас од рејлот кон усисната гранка преку дизните. Значи ако е турбо мотор со некој одреден надпритисок, да речеме 0.5 бар, притисокот во рејлот треба да биде поголем од 1.5 бари (нели 1 бар како референтен воздушен притисок + надпритисокот од турбото).
Што се однесува до минималното време, најмногу зависи од температурата. Знаеме дека гасовите кои се компримирани, при брза експанзија се ладат. Температурата на моторот е тука, за да се обезбеди состојба во која нема да се дозволи разладување при експанзија, при што може да замрзнат некои делови, како мембраните кои се наоѓаат во редукторот, кој при ваква смрзната ситуација може да се оштети. Спрема тоа, минималното време за префлање од бенизн на плин зависи од тоа, кога системот може непречено да работи без да настанат оштетувања на деловите од системот. Многу фактори се тука битни, но најбитно е правилно да раобти системот за ладење на моторот, бидејќи топлината од системот за ладење се користи за загревање на плинот. На пример, јас имав проблем на почеток, поради лошиот проток на вода низ цревата за редукторот, па се случуваше системот да се префлри на бензин, бидејќи сензорот за температура на редукторот постигнал минимална зададена вредност. Потоа го решив тој проблем со редуцирање фи-то, на одредени црева. Исто така, ако ти е механичкиот термовентил (термостат) заглавен на отворено (недајбоже на затворено) поголемо количество на вода треба да се загрее и за тоа треба подолг временски период. Нормално, тука е и фаторот лето/зима, односно надворешна температура. Некои системи се подесуваат (така е со мојот), ако температурата ги задоволува потребните вредности, веднаш да се стартува колата на плин. Во некое инсталационо упатство, прочитав дека е згодно да се остави период од минимум 15 секунди, за ECU-то да ги отчита сите вредности дури работи на бензин, пред да префрли на плин, кај мене нема потреба од тој период.
За останатите прашања не се мешам - оставам на стручњаци 
Одличниот пост на
Simo - Carrier166 ќе Ви биде од голема корист при читањето на мојот одговор. Притоа, морам да забележам дека дел од прашањата (од кој некој се дискутабилни) имаат заеднички одговор
Simo - Carrier166:Временскиот интервал на отвореност на дизните, зависи од следниве параметри: отвор на дизната и притисок во рејлот после редукторот. Ако е дизната и притисокот се големи , времето на отвореност на дизните ќе биде пократок. Ако е тоа во преголема мерка, односно се бараат премали времиња на отвореност од системот, тогаш времето на циклусот отвори/затвори е премало, па може да се деси дизната да не пропушти доволно плин - не ваља!
Ако е обратна ситуација, премал притисок, премала дизна, при големи побарувања за гориво од страна на моторот, ќе настане ситуација во која дизната ќе биде предолго отворена па ќе помине всисниот циклус, а таа нема да испорача доволно плин во системот - повторно не бива!
Точно така, со овој дел од постот, добар дел од прашањата на
gOJDO се веќе одговорени, а постои и уште една променлива величина – ,,MAP" (подпритисок или вакуум во всисната гранка) За оние кои не се запознаени, кога возилото е во лер-гас (iddle) вакуумот (подпритисокот) во всисната гранка е највисок. Со притискање на педалата за гас (и оптеретувањеto на моторот расте) подпритисокот во всисната гранка опаѓа. Заклучокот сам се наметнува:
- висок вакуум (МАП) во всисната гранка
- возилото е со најниско време на отворање на бензиските инјектори.
Доколку имаме висок излезен притисок од редукторот и висок подпритисок во всисната гранка, потребен ни е брз плински инјектор кој може да влегува во ниски времиња на отворање за да го задоволи моторот со идеална смеша (Air Fuel Ratio)
Кај
Принс излезниот притисок на редукторот е
непроменлив и е околу 2 бари (ако добро се сеќавам, беше пред седум години, вградивме плински уред од марката принс, во Белград, под покровителство на Лаки од Чачак, не се сеќавам на името на фирмата) и потребен е брз инјектор со брзи циклуси на отворање и затворање, кои го прават инјекторот многу скап, а заради брзите циклуси побрзо се амортизира.(инјекторите се компоненти кои се најизложени на амортизирање од сите компоненти на плинскиот уред). Дали за овие седум години принс, направил промени од аспект на излезниот непроменлив притисок од редукторот, или не, не сум се интересирал. Доколку не направиле промени, јас не би се фалел со притисоците.
Кај
Landi Renzo излезниот притисок на редукторот е
варијабилен, на лер-гас изнесува 1,25 бари, додека на полно оптоварување на моторот достигнува најчесто до 1,8-1,9 бари, а во зависност од типот на моторот, кај некои возила и до 2,1 бари.
Тоа, во комбинација со (развој на технологијата) моќен и брз софтвер , дозволува користење и на поспори, но повеќекратно подолготрајни инјектори.
До пред некоја година и ние ги форсиравме уредите со брзи и моќни инјектори.
Меѓутоа искуството покажа дека возните карактеристики кај возилата се идентични без разлика дали ќе се постави уред со брзи инјектори или уред со спори инјектори но со брз и моќен софтвер, а во однос на одржувањето вторите се покажаа како подобро решение
(искуството е добиено од повеќегодишно следење на такси возила (Шкода, Пежо, Киа, кои се најчести во флотните такси компании) кои работат во 3 смени без прекин, на околу 300 возила со Omegas и околу 100 возила со Plus Max.
КАЈ ВОЗИЛАТА ВО КОИ Е ВГРАДЕН LANDI PLUS MAX НЕ Е ЗАМЕНЕТ НИТУ ЕДЕН ИНЈЕКТОР)
Уредите со брзи инјектори, Landi Renzo Omegas и Landi Blu (особено Landi Renzo Omegas) ги препорачуваме единствено кај возила со бензиски софтвер кој има широк опсег, поточно таму каде што клиентот ќе има бенефит со нивно вградување, бидејќи за останатите возила, веќе имаме уред со повеќекратно подолготрајни елементи,кој нудат идентични возни својства на возилата како и уредите со брзи инјектори. Покрај поволноста за клиентот, помалата потреба за сервисирање е поволност и за нас затоа што во услови на целосно исполнет капацитет ни дозволува да посветиме повеќе време на новите монтажи.
6) Дали постојат суштински разлики помеѓу уредот на PRINS и Landi Renzo OmegaS и дали уредот на PRINS e подобар од Landi Renzo Сметам дека не можеме да си дозволиме да дадеме мислење кој е No.1 уред или кој е подобар,Landi Renzo или Prins. Одговор на тоа прашање даваат релевантни институции, кои по обемни истражувања даваат заклучок од неколку десетици страни.
Ако погледнете на првата страна на оваа тема, ќе го можете да видите табели со рангирања кои ги направиле
Mediobanca Securities и
Companies Annual Report Euro Rebased 
