Бидна и звучна изолација.
Вчера Фиестата си кркна 5м2 Армафлекс во гепек, задни наткрила, на подот под задните седишта и внатре во сите 4 врати.
Доктор Томе-Колт (
http://forum.carclub.mk/index.php?action=profile;u=2912) , и влезе хируршки прецизно и смирено и не остави никаков детал да не биде истретиран како што треба. Најпозитивни и најпофални коментари имам само за него. Момакот е доктор за тоа што го работи. Симнувам капа пријателе.
Епа вака се одвиваше целиот процес.
Неколку дена пред зафатот од Клима Комерц (тел.02/3074140) си набавив Армафлекс со дебелина од 9мм, по цена од 350 денари за метар квадратен. За изолација на местата во Фиестата кои се опишани во постов беа потребни отприлика 5метри квадратни, но јас набавив повеќе за да има резерва.
Материјалот изгледа вака:
Или од блиску:
Договорена локација за завршување на зафатот беше гаражата на Smichka (
http://forum.carclub.mk/index.php?action=profile;u=780)
Целата постапка ја започнавме во 10:00 часот и траеше се до 18:00 часот истиот ден. Томе-Колт работеше машки без речиси никаква пауза (со мали паузи за цигара, кафе, сокче).
1. Прв чекор беше расклопување на сите пластики и теписони од гепекот. Отстранување на задните седишта, и чистење на постоечката нечистотија и прашина.
2. Потоа Томе пристапи кон чистење на целата површинска нечистотија налепена на површините на кои што треба да се лепи изолацијата. Тоа беше изведено со влажни крпи и процесот се одвиваше доста бргу.
3. Откако површините беа исчистени, и исушени почнавме со лепење на армафлексот. Бидејќи формата на лимот во гепекот е геометриски комплексна, се договоривме на местата каде што има испакнувања и кривини да лепиме помали парчиња со цел да имаме подобро залепување на материјалот и да избегнеме преднапрегнатост на површината од армафлексот доколку се лепат големи парчиња, што со текот на време може да предизвика одлепување на материјалот и создавање на меури под површината. Естетски не изгледа баш привлечно, но од аспект на функционалност и праткичност е одлично решение.
4. Откако подот во гепекот беше целосно залепен со армафлекс, пристапивме кон лепење на дупките лево и десно во гепекот и лепење на армафлекс врз надкрилата.
5. Дополнително на подот во гепекот беше залепен уште еден слој армафлекс, за да се умртват сите звуци што би доаѓале од задниот лонец и шуштењето на пневматиците. Потоа ги монтиравме назад теписоните и пластиките од гепекот и се си дојде на свое место без никаков проблем.
6. Следен чекор беше изолација на вратите. Бидејќи тука малку му асистирав на Томе не успеав да сликнам многу слики, но ќе се обидам да бидам по описен во објаснувањето.
Внатрешноста од вратите на Фиестата се спакувани доста прецизно, и демонтажата на истите е навистина малку зафркнато. За да си ја олесниме постапката и со цел да избегнеме евентуален проблем при демонтажа на сите компоненти од вратата, извршивме демонтажа на звучникот и од отворот од звучникот извршивме лепење на внатрешноста на вратите со Армафлекс. Процесот е ист како при монтажата на Армафлекс во гепек. Прво површината се чисти со влажна крпа, се остава да се исуши и потоа парче по парче се лепи армафлексот внатре во вратата. Доста пипава работа, и доколку немаш нерви и трпение подобро да не се обидува никој да го прави ова сам. Секоја чест за Томе-Колт што постапката си ја одработи како да му е стота Фиеста за изолирање.
7. Последен чекор беше лепење на Армафлекс на лимот под задните седишта.
РЕЗУЛТАТИ ОД ЦЕЛАТА ПОСТАПКА:
1. Значително намалена буката од тркалата, издувот и струењето на воздухот што доаѓаа од задниот дел во возилото.
2. Целата кабина е потивка и попријатна за престој при возење.
3. Озвучувањето значително се подобри во однос на прецизност на звукот и акустика.
4. Отварањето и затворањето на вратите има перверзно добар звук, налик на звукот што го има Пасат, Ауди и сл.
Кратко кажано колата си го доби тоа што и фалеше (не дека беше лошо изолирана фабрички, но секогаш може и подобро нели)
На крај сакам да се зблагодарам на Томе-Колт за навистина професионалниот пристап и извршување на целиот процес. Дечкото го препорачувам безрезервно. Профи до коска.
Благодарност до Smichka што двапати праеше кафе и дозволи да му ја узурпираме гаражата цел ден. Исто така поздрав и до зоки-златен што помина на двапати да се видиме и да размениме некој муабет.
Епа токлку од мене сега за сега.
