Мислам дека поголемиот дел од клаберите што се огласија на темава, не ја разбраа поентата на истата. Или можеби јас сум имал поинаква претстава за поентата на темава... Ениху, пошто се праи муабет за единствено возило, до 50000 евра, за следните 10 години, јас би одел по примерот на класниот, само со друг модел
Муабетот е да се избере практично, функционално, економично возило, кое би имало убав лик и шарм (кај некого ова не игра улога нормално)...
Баш затоа би одел на варијанта Volvo XC60 SUMMUM, со D5 мотор со 215 КС, и погон на сите тркала. Уај? Бикоз, мене лично ми е прекрасно возило кое премногу ми се свиѓа на лик, а мене тоа ми е битно, има прекрасен дизел мотор, со одличен погон, фантастична понуда на простор и напред и позади, голем функционален багажен простор, и одлична, квалитетна завршна обработка, со високо-квалитетни материјали. Ем башка, малце е повисоко поставено од земја т.е. крос-оверче нали...
Затоа, мислам дека мене ова би ми била идеална кола за следните 10 години, кога веќе би станал семеен човек, па треба да се мисли и на децата, и нивната безбедност, нивните предмети за занимација, просторот наменет токму за нив, итн. Багажниот простор треба да ги собере сите торби, куфери итн итн за одмор со семејството, па XC60 го покрива и тоа поле. Повишеното растојание од подлогата, е убаво да се има, за „не дај Боже“ ситуации, исто како и погонот на сите тркала. За ваков вид на возило, излишна ми е понудата на бензинец, пошто ми нема поента. Според мене, Volvo XC60 нуди одговор на сите потреби на еден млад фамилијарен човек, т.е. каков што јас планирам да бидам во следниов период
Единствен потенцијален проблем гледам во големината на возилото, и можноста за лесно манипулирање во градски сообраќај. Друг минус, стварно не можам да му најдам.
Е сега, баш овој модел кај нас е 50.890 евра, ама ќе извадам некој попуст
