Вчера ми се случи следново. Застанувам на улица, на која нема знак за забрането запирање и паркирање, со 4 жмигавци. Одам до банкомат, само што ставам картичка, полициска кола се паркира позади мене и почнува да свири. Неможејќи да го напуштам банкоматот, поради тоа што парите се уште не беа излезени, почекав некој си 8/10 секунди плус и се упатив кон колата. Сето тоа паркирање, одење и враќање траеше нецели 2 минути, ништо повеќе. Полицаецот побара документи и одма почна да пишува казна за паркирање во коловозна лента. Океј, 45 евра или 20 негативни. По кратка расправија со полицијата и неколку закани од нивна страна од типот "Запамти ме ти мене кој сум, ќе ми бегаш од сенката, каде и да те видам ќе ти пишувам казни", решија да ми напишат уште една пријава, од 300 евра, која гласи: "Возачот не го тргна возилото на даден звучен сигнал со хорна". Пријавата не ја потпишав, поради тоа што колата беше тргната, а втората казна беше напишана 10 минути после првата. Колкави се шансите, доколку одам на комисија или суд, како и да оди процедурата, казната да биде укината?
