Ме застана полиција да дувам, имав испиено едно мало пиво и во ред дував. Полицаецот не смени цуцла пред да дувам или како се вика тоа на дрегерот, и на крај не ми ни покажа да видам колку ќе покаже. И само одеднаш ми вика "Ти си бил пијан, 2.3%"
не знаев дали е сериозен или се заебава, си влезе во кола и почна да пишува казна.
Инсистирав да ми даде повторно да дувам притоа да смени цуцла пред мене или веднаш да одиме на анализа на крв ама комплетно ме игнорираше си затвори прозор и ја пишуваше казната.
Во меѓувреме дојде нивни колега, му објаснив што е работата ама џабе и тој упорно ми кажува дека смее само еднаш да дувам, ок викам дај да видиме другарката испи 1 пијачка жестоко нека дува она ме интересира што е работата со дрегерот. И на истиот дрегер и цуцла и кај неа 0.23% ок викам дајте сега пак јас да дувам али не ми дозволи.
На крај кога ја пиша казната инсистираше да ги потпишам не ми даваше да прочитам што напишал, ме убедуваше дека ми прави услуга, само со поени ќе сум поминел а доколку не потпишам нема да смеат да напишат казнени поени туку ќе мора да платам 375 евра и на суд.
Не се согласив и ништо не потпишав. Ми ги даде казната, записникот и потврдата за одземена возачка и ми вика "Оди паркирај таму доле некаде" им реков дека ќе ја паркирам на паркингот кај нив (Јавен паркинг во дебар маало) и уште ми се заканија, сакаш ли и во станица сега 12 саати да те носиме
. Не сакав да се карам и си тргнав.
Е сега кај записникот заокружил дека НЕ БАРАМ земање на крв и дека ОДБИВАМ да ми се земе крв
, притоа во забелешка уште пишал дека мирисам на алкохол а кај сведоци на лице место не е запишана другарката која што беше со мене.
Веднаш отидов до полициската станица пролет да ги прашам што е работата и зошто не сакаа да ме носат да земат крв, ми вика не можам да ти помогнам напишал казна колегата си одбил да се потпишеш и тоа е тоа, ќе си оди на суд. Отидов на токсикологија, инсистирав да ми извадат крв и да направат анализа затоа што сакам да ја користам како доказен материјал на суд против казната, меѓутоа и таму ништо, не можеле тоа навечер да го направат и ми кажа дека полицајците можеле да ме однесат да проверат доколку не се согласувам.
Класичен рекет прават, како сега јас кога ова ќе дојде до суд да докажам кога полицаецот си го пополнил записникот и не ме ни праша дали сакам да ми се земе крв за анализа. Ќе биде мојот збор против неговиот и на колегата, притоа и мојот единствен сведок не е заведен во записникот.
Се извинувам на долгиот пост, некој да каже искуство со слична ситуација?
