Случки со полиција, казни, судови итн

[onak]

значи, ако тепаш до 30 на саат, 20 евра казна? прифатливо... тоа е 150 да возиш што ко ке видиш воопшто не е малку....

[FiLo]

^^
Да, и според мене, многу е толерантен законот. Ја би направил до 10 км/ч во населено место 45 евра или 25 поена, а над 10 км/ч над дозволеното 300 евра + забрана.
На отворен пат, до 30 км/ч над дозволеното 45 евра со 25 поена, а над 30 км/ч 300 евра со забрана.

[onak]

и јас би направил други промени во законот за казни, за кои јас сметам дека не се во ред да се толку ниско-толерантни, поготово за пешаци, велосипедисти и моторџии (на скутери па поготово) ама мене и тебе никој не не прашува...

[FiLo]

Тоа да, за доста работи е толерантен, а за доста работи не е толерантен. Тоа што викаш, на пешак му е дадено поголемо право, а за разлика од него на тазе положен возач го прават сакат и малоумен 2 години.

[velestrumf]

Веројатно пошто пешак не може симултано да повреди неколку коли, додека возач без доволно искуство, може и жртви да си земе како данок на неискуството.

[FiLo]

Тоа може да се реши со зголемување на бројот на часови што ги возиш во автошколата. Од моменталните 36 часа, односно 18 дена возење, нека ги зголемат на 2 или 3 месеци обучување, во кое ке има вклучено барем еднаш неделно да се вози и на отворен пат.

[velestrumf]

Пак не мора да значи дека ќе го стекнеш потребното искуство.

Ај вака, да рефразирам - значително многу помала штета во сообраќајот може да направи пешак (или велосипедист), отколку возач почетник. Во нормалниот свет, пешакот е секогаш приоритет.

[onak]

без оглед на тоа пешак може да предизвика голема материјална штета па и да одземе човечки живот со невнимателно “пешачење“...

сценарио бр. 1:
претрчува на партизанска, преку жардињера прескокнува на необележано место, во тој момент тазе возач или возач со 30 години искуство, мава на кочница рефлексно и одзади го собира друга кола, па во нејзе друга и така карамбол.. првиот возач од ударот позади крши врат и останува или траен инвалид или умира тука на лице место, материјална штета од милион евра, а пешакот застанува од спротива и фаќа сеир...

сценарио бр.2:
пешак проаѓа на црвено на пешачки, возач не успева на свое зелено да закочи, го удира пешакот и пешакот останува инвалид или умира, а возачот покрај огромната финансиска казна, веројатно и затворска ако умре пешакот, се соочува со доживотна траума.

сценарио бр. 3:
пешак тргнува да помине улица, дури и на пешачки, без да гледа дали возилото што е на 3 метри од пешачкиот има шанси да застане (ова секој ден више го доживувам)... можен несакан епилог е некој од погорните 2 сценарија...

сценарио бр. 4,5,6,7,8 и 9:
велосипедисти и нивните еден тон глупости

сценарио бр. 10, 11, 12,13, 14 и 15
скутерџии и нивните еден тон глупости што редовно ги прават.

сценарио бр. 16-20:
моторџии со нивните снажни љубимци и глупостите што ги прават ковејки се нај често во невини автомобилски возачи па и во пешаци...

во сите овие сценариа, возачот на автомобилот ни е крив ни е должен а сепак испашта во двата нај страшни моменти:
-ментално
-финансиски...

ако за возило е 300 евра + возачка за проаѓање на црвено, зашто за пешак е 25 евра?

ако за возило е 150 евра за престигнување на полна линија, зашто за пешак претрчување прку булевар на необележано е 50 евра? (притоа кога последен пат сте чуле да казнат пешак за ова?)

ако за возило има казна за непропуштање на пешак, зашто за пешак нема казна за пропуштање на возило на необележано? и зашто и тогаш повторно возачот може да ја добие истата казна?

примери вакви има мнооооогу, во кои ем е претолерантно ем нелогично во некои моменти

[FiLo]

Пак не мора да значи дека ќе го стекнеш потребното искуство.

Точно, ама пак никој не гарантира дека и после 2 години би го стекнал потребното искуство. Мој другар 2 месеци после мене положи, веке направи 2 години возачко искуство, од неговите доби кола уште пред да положи, а и ден денешен незнае за што служат брзините на менувачот и на нагорнини незнае со која брзина да го искачи успонот.

[onak]

тоа се антиталенти за волан... и кога ке стане дедо со 65 години сеуште ке биде таков...

[FiLo]

И плус во град на рамно само до 3-та брзина, 4-та или евентуално негде 5-та никако без разлика колку вози.

[velestrumf]

Пак не мора да значи дека ќе го стекнеш потребното искуство.

Точно, ама пак никој не гарантира дека и после 2 години би го стекнал потребното искуство. Мој другар 2 месеци после мене положи, веке направи 2 години возачко искуство, од неговите доби кола уште пред да положи, а и ден денешен незнае за што служат брзините на менувачот и на нагорнини незнае со која брзина да го искачи успонот.

Знам за многу такви случаи. Ја би ги прекршил родителите, што му купиле кола. Ај сам што ќе се убие, друг некој ќе собере со себе.

@онак: драматичните сценарија можеш комотно да ги препишеш и со неискусен возач во главната улога. Рецимо, оди пешак по тротоар, неискусниот возач тера по лизгава подлога. Проаѓа преку зебра и му бега колата од контрола. Не е он крив што е мрсна бојата, ама ако возел подолго време, ќе знаел да се справи со ситуацијата. Колата излетува, го собира пешакот, лупа и во друга кола. Пешакот умира на лице место, возачот проаѓа со полесни повреди + причинета материјална штета. Но, најбитното, многу е поголема веројатноста за губење човечки животи.

[Van]

^^
Да, и според мене, многу е толерантен законот. Ја би направил до 10 км/ч во населено место 45 евра или 25 поена, а над 10 км/ч над дозволеното 300 евра + забрана.
На отворен пат, до 30 км/ч над дозволеното 45 евра со 25 поена, а над 30 км/ч 300 евра со забрана.

Koга се прават калкулации како и до колку се исплати да се прекршува законот, тогаш тој закон дефинитивно е премногу толерантен. Предлозите ти се помалку или повеќе, ОК. Со задршка за последниот дел, 300е не се доволно за да се обесхрабрат прекршоците кај некои (побогати) возачи. Казната најдобро е да е пропорционална, една-две месечни плати (или профит од фирмата) на прекршителот, или некакви варијации на тоа.

[DarthJe5us]

Добри ви се идеиве дур не ви пишат на вас една таква казна..после следи пцуењето и плачењето.

[Van]

Баш тука е поентата, да се спречи правење прекршоци (а не да се направи плаќањето на казните полесно). Јас не го прекршувам законот (посебно во населено место не возам над лимит) и не планирам да почнам да го прекршувам законот. Од тој аспект и шеријатски законик да донесат, нема да ми смета.