Друже, ако си бил по приградскиве места ќе видиш знак 40 на пат што е пушка прав едно 10 километри.
Очекуваш да ти поверуваме дека по тој пат си возел 40? Пре би поверувал дека спремаш RB26DETT у гаража.
Инаку има и денови кога се вози 40 по таков пат, снег, магла (како денес)...
Генерално за во град зборував, иако истото би требало да важи и во твојов пример. Не велам дека не може да ми се случи да се заборавам, но тоа е обично ако не го видам знакот (или ретко ја возам таа релација).
Но не е поентата дали јас го прекршувам законот или не, туку дека законот е премногу толерантен плус полицијата не си ја работи работата доволно ажурно.
Најмалку во градски сообраќај не би смеело да се вози пребрзо.
Некој погоре ја спомена улица Варшавска, не сум поминал одамна таму ама се сеќавам дека има училиште а и гимназија во близина. На двете страни има паркирано автомобили и две коли едвај можат да се разминат. Помеѓу паркираните возила во секој момент може да се избаци дете и тогаш ќе е прекасно за времена реакција ако се вози побрзо.
Поубаво да има лимит од 30км отколку да ставаат „лежечки полицајци„ на секој чекор. Но лимитот треба и да се почитува, а за тоа треба спроведување на законот и почесто казнување.
Нормално дека луѓето ги растегнуваат правилата колку што е можно, но законите би требало да се почитуваат затоа што нивната намена е да се обезбеди сигурност во сообраќајот и да се заштитат животите на граѓаните. Но сообраќајни незгоди има се повеќе, и секоја година се губат многу животи. Тоа е делумно и заради тоа што луѓето знаат дека изгледни се шансите да не бидат казнети кога прават прекршок. Правењето прекршоци станува автоматски процес, погледни лево-десно ако нема полиција... цепај не се замарај.
Затоа мислам дека најдобра работа што може да се случи е систем со автоматско регистрирање на прекршоци, и нивно автоматско процесирање. Само така може да се смени свеста, ако се знае дека за секој прекршок изгледно следи и казна.
