1. Трактор штотуку излезен од нива на регионален пат кој ја тресе калта до кај ќе стигне.
2. Камион кој носи песок, бетон, пченка и што уште не и ја посипува зад себе
3. Еден куп неисправни возила кои го „подмачкуваат“ асфалтот со маслото кое им капе од секаде
4. „Тикван-самоубиец“ со мотокултиватор, трактор-југо-лада-101 со приколица без соодветна светлосна сигнализација на неа
5. „Дибек-камиказа“ на кој од светлосна сигнализација на возилото му работи само сијаличката во гепек
6. Еден куп „Шабани“ со афтермаркет сијалици ос 1.000.000 К кои осветлуваат се освен патот и нивни „братучеди“ кои имаат пари да дадат за кесенон и неонки под возило а немаат пари да ги сменат прегорените сијалички.
7. „Другарчињата“ од технички кои скапани возила ги пропуштаат на регистрација побрзо од Ферари во пит-стоп на Ф1 трка
8. Кучиња кои си шеткаат по автопат, зашто некој си ја собрал заштитна ограда, а некој друг не сака да ја поправи
9. Дотраени пропаднати коловози со надолжни вдлабнатини кои при дожд се поприкладни за фрегата отколку патен сообраќај, а и новите кои се под секаков стандард, крајно неквалитетно изработени, па првите знаци на оштетување ги покажуваат за неколку месеци
10. Споменав некаде тотално технички неисправни возила ? Знаете оние без кочници, амортизери, скапано подвозје, дотраени рамена, вилушки, стабилизатори...
11. Возачи, од сите возрасни групи и полови, партиска, верска и етничка припадност, полни со самодоверба но без елементарна возачка култура а понекогаш и без возачки вештини.
Ох, за малку ќе заборавев!
Полицијата - онаа сообраќајната, која дреми со радар на сите „подли“ места за да фати норма, но никогаш предупредувачки кога има опасност на одредена делница да речеме од леден дожд, маслен коловоз, одрони... Не, тогаш зад грмушка си јадат скара на хауба.