Според процените на стручњаците, во просек се изгорува за третина повеќе гориво од потребното, повеќе од незнаење или од немарност
Намалувањето на потрошувачката на гориво веќе со десетлетија е приоритет на автомобилската индустрија, а с` поскапото гориво станува тежок товар во секојдневното користење на возилата. Затоа возачите с` повеќе размислуваат за штедење на горивото. Повеќе изгорено гориво значи и повеќе штетни гасови, и затоа штедењето е апсолутен приоритет.
Штедењето почнува со купување на автомобилот, а поштедливите возила во практика се поскапи, особено оние со дизелски мотори. Многу зависи и од начинот на возење, па оној со потешка нога, склон кон спортско возење, може да потроши и двојно повеќе од оној возач што е штедлив. Според процените на стручњаците, во просек се изгорува за третина повеќе гориво од потребното, повеќе од незнаење или од немарност.
Во последно време во Германија дошле до интересни сознанија дека горивото може да се штеди и со полн гас! Таа неверојатна констатација вреди само за бензинските мотори и во посебен режим на работа, а кај дизелските мотори тоа е контрапродуктивно. Но дизелските мотори се уверливо поштедливи од бензинските агрегати (особено во подрачјето на мало и средно оптоварување), па начинот на возење кај нив пропорционално помалку влијае на потрошувачката на гориво.
Кај бензинските мотори силата и брзината на вртежите на моторот се регулира со придвижување на вшмукувачката плочка (лептир), односно вшмукувачкото пригушување. За тоа пригушување се троши ефектна работа на моторот, бидејќи во првиот такт се создава релативно голем потпритисок (0,2 до 0,8 бара).
Кај помало оптоварување, кога вшмукувачката плочка е најмногу затворена, вшмукувачките губитоци се најголеми. Кај дизелските мотори вшмукувањето е слободно, а силата се регулира со промена на количината на вшприцано гориво. Заради тоа е најголемата разлика во потрошувачката на гориво меѓу бензински и дизелски мотор при мало, односно делумно оптоварување. Тогаш бензинскиот мотор е значително придушен, а дизелскиот непридушен. При полно оптоварување разликата во потрошувачката се намалува бидејќи двата мотора работат практично без вшмукувачки придушувач.
Токму тука лежи главната резерва за штедење на горивото. Ако кај бензинските мотори при мало оптоварување притиснеме на педалот за гаста до крај, тогаш моментно се намалува отпорот и потрошувачката драстично опаѓа.
КАКО ДА СЕ ШТЕДИ СО ДИЗЕЛСКИ МОТОР
l Кај дизелашите приказната е поинаква бидејќи моторот има пригушено вшмукување, а со притисок на педалот за гас се менува количината на вшприцано гориво. Кај таквите мотори некои од правилата за штедење при возењето се исти, а некои поинакви во однос на бензинските мотори.
l Треба да се вози во што повисок степен на пренос и со пониски вртежи
l При забрзување треба да се оди нешто над вртежите на најголемиот вртежен момент
l Треба да се избегнува возење со полн гас, бидејќи тогаш се вшприцува најмногу гориво
Постојат и генерални правила за штедење, а најважни се:
l Треба да се избегнат ненадејни забрзувања и сопирање, бидејќи така најмногу се расипува горивото
l Треба да се вози со рамномерна брзина и со што помалку сопирања
l Треба да се избегнуваат големи брзини бидејќи расте и аеродинамичниот отпор и потрошувачката на гориво.
КАКО ДА СЕ ШТЕДИ СО БЕНЗИНСКИ МОТОР
l Треба да се тргне во прв степен на пренос
l По десетина метри да се префрли во втор степен и да се притисне педалот за гаста до крај
l При приближно 2.000 вртежи во минута треба да се префрли во трет степен на пренос и повторно гас до крај. Постапката се повторува и во повисоките степени на пренос
l На нагорнини подобро е да се вози во повисок степен со повеќе притискање на гаста, отколку да се турира во понизок пренос
