Од производните ленти на фабриката на Volkswagen во Волфсбург се симна 30 милионитиот примерок на Golf. Модел којшто е репер во класата и ниже успеси од почетокот на производството во 1974 година.
Статистиката е интересна наука. Таа вели дека во изминатите 39 години секој ден по 2.000 купувачи седнувале зад волан на нов Golf. Воедно Golf e најуспешниот европски автомобил на сите времиња.
Само еден ден откако шефот на VW, Мартин Винтеркорн во име на Golf официјално ја прими претижната награда „Автомобил на годината во Европа за 2013” од фабриката излезе Golf TDI BlueMotion со бројката 30.000.000.
Автомобилот што на себе го носи рекордот ќе биде изложен во фабриката, потсетувајќи ги вработените за историска вредност на Golf и влијанието на неговите седум генерации. Патешествието на почна во 1974 година.
Golf I (1974-1983): Преминот од Буба (Beetle) во Golf беше револуција за VW кој тргна по стапките на тогаш успешните модели во таа класа Fiat 128, Honda Civic и Toyota Corolla. Од автомобил со мотор и погон назад и воздушно ладење беше создаден нов автомобил со мотор и погон напред и водено ладење. Дизајнерите ги напуштија тркалезните форми и примениа нов правоаголен дизајн врз основа на легендарната дизајнерска студија на Џорџето Џуџаро.
Golf II (1983-1991): Ова е модел во кој се воведени технолошки напредни системи како: контролиран каталитички конвертор (1984), ABS (1986) и погон на четири тркала (1986). Оваа генерација напреднаа до таа мера што дефинитивно станаа икона. Марк Лихте, водечкиот дизајнер на Volkswagen се присетува: „Во тоа време, клучниот момент во историјата на Golf беше одлуката на членовите на Управниот одбор за понатамошно развивање на дизајнот на Golf I и конципирање на Golf II врз основа на неговиот визуелен ген. Така VW создаде основа за развој на моделската понуда".
Golf III (1991-1997): Дојде во 1991 година и иницираше нова ера во сфера на безбедноста. Golf III е прв во серијата кој во 1992 година понуди предни воздушни перничиња. Напредокот во производство на каросеријата доведе до понатамошни подобрувања на нејзините безбедносни својства при незгоди. Првиот TDI мотор исто така, беше воведен во сериските модели на оваа генерација на Golf (1993).
Golf IV (1997-2003): Под водство на искусната рака на поранешниот шеф на дизајн на групацијата, Хартмут Варкус, создаден е дизајн кој го поплочи патот кон иднината на VW. Денес, експертите го сметаат Golf IV како дизајнерска икона и пионер на модерниот дизај на серијата. Но Golf IV беше воедно и инженерски подвиг со воведување во сериско производство на новите технологии како: електронска прогрма на стабилност ESP (1998) и менувач со две спојки DSG (2002).
Golf V (2003 до 2008): Тоа беше генерацијата на Golf чиј комфор, динамика и пред сè квалитет, ги засени останатите конкуренти. За 35% поголемата отпорност на усукување, или торзиска крутост, се должи на ласерски заварената каросерија. Петата генерација на Golf дебитираше во 2003 година, а во 2007 година беше основа за првиот Golf BlueMotion со потрошувачка на гориво од 4,5 l/100 km.
Golf VI (2008 до 2012): Каросеријата, повторно ласерски заварена, беше толку безбедна што мина со врвни оценки на проценката на EuroNCAP. Триумфот на моторите ТSI и конверзијата на турбо дизелите TDI од систем пумпа-шприцлка во систем со заедничка вод – common rail, доведе до подинамични перформанси и пониска потрошувачка. Шестата генерација на Golf го донесе вториот Golf TDI BlueMotion кој имаше просечна потрошувачка од само 3,8 l/100 km.
Golf VII (од 2012): Полеснa за до 100 kg седмата генерација на Golf стави стоп на претераното зголемување на тежината условено од потребите за поголема безбедност. Новата палтфрома MQB стана побезбедна, а полесна со паметно комбинирање на материјалите за градба. Така потрошувачката се намали за 23% во однос на претходникот, a изведбата Golf TDI BlueMotion стигна до просечна потрошувачка од само 3.2 l/100 km. Taa воедно e и 30 милионитиот произведен примерок на Golf.
Golf VII дефинитивно ќе биде запаметен како компактен модел во кого една цела армада од нови дополнителни помошни системи го имаа своето деби. Како системот PreCrash, Automatic Post-Collision Braking, Adaptive Cruise Control…
Технологии кои во минатото се наоѓаа во понудата на возила од многу повисока класа од компактната што означува нова фаза во распространувањето, односно, демократизацијата на автомобилскиот напредок.
http://www.carclub.mk/2013/06/19/volkswagen-go-napravi-30-milionitiot-golf
