После 2 и пол години од првиот (и единствен) мој пост тука - иде нов, пак за нова кола.
Веќе ме фаќаше желба за некој апгрејд од Брерата. Иако дизајнот на таа кола е безвременски и ми е во топ3 на сите времиња, имав неколку замерки за неа - тешка е, FWD, дизел. Од друга страна, другата "daily" кола ми беше Пежо 206 и ме фаќаше желба за нешто далеку поудобно, со далеку повисоко ниво на опрема, па така решив 2 муви со еден удар - седан, бензинец, спортски трим, по можност погон на сите 4 со наклон кон задни (ама и добра RWD не одбивав), преферирав повеќе од 4 цилиндри ама не беше пребитно. Прва избор Giulia Veloce - кога пресметав колку ќе ме кошта да ја увезам и донесам до тука се откажав набрзо, иста ситуација и за Audi S3 (8V генерација). Начекав Е90 М3 на оглас - бев, ја пробав, бев воодушевен (и малку исплашен), ама многу поминати километри (на кои што идат скапи скапи сервиси) и тоа ме кочеше. Ко појдов кај Тони да се распрашам за М3ката ми ја понуди неговава 335i како алтернатива, за 2/3 од цената. Договорив пробно возење, ми се свиѓаше ЕПТЕН, проверив цените за слично ниво на опрема и слични километри онлајн, заклучив дека е добар deal и ја зедов.
Спецификации и опрема:
BMW 335i xDrive, 2013та година, 93500км
Мотор N55, фабрички 306 коњи/400Nm, на оваа е додаден и M Performance Power Kit во М Кар и сега вади 326hp/450Nm
Автоматски ZF 8HP 8-брзински менувач со paddle shifters
xDrive погон на сите 4, 60:40 назад:напред сплит
M Sport пакет
19" M Sport 403m бандажи со нови Continental WinterContact TS860s
Алкантара M Sport седишта (едни од најудобните што сум ги пробал)
Двозонска автоматска клима
Предни и задни паркинг сензори
BMW Keyless Go систем
Греачи на седишта
Bluetooth audio
Досега направив некои 150км низ град во Скопје и до Кичево по нови таблици и сѐ што можам да кажам е дека сега за сега ги надминува моите очекувања. Моторот е мазен кога е во Comfort, стави ја во Sport или Sport+ и комплетно се менува начинот на кој што работи, те остава да ја газиш до 7000 вртежи, се зацврстува воланот и дава многу подобар feedback. Знам дека многу луѓе ја мразат F30 серијата ради електричното серво наместо хидрауличното во E90, ама ги пробав 2те во краток временски период и дефинитивно не е толку полошо (подобро е во Е90 ама маргинално). ZF автоматикот проверен, брз и прецизен. Кабината е предобро место to be in, седењето е ниско баш како што го сакам.
Имам неколку замерки во однос на опремата што ја има т.е нема:
1. Фали Harman Kardon аудио системот за жал, а не ми се исплати да правам retrofit
2. Фали поголемиот 8.8" екран и Apple CarPlay - CarPlay не било во понуда на pre-LCI моделите така да тоа ќе го надоградам со plug-n-play модул, а евентуално ќе мора и екранот да го сменам
3. Бидејќи нема адаптивна суспензија, фабричката stock суспензија е премека за мој вкус - одлична за во град ама има повеќе bodyroll на поголеми брзини во кривини од што би сакал. Дополнително поради xDrive колата е малце повисоко од RWD моделот. Ќе се направи upgrade на M Performance суспензијата откако ќе пројдат летни одмори, ќе ја стврдне малку и ќе ја симне 10мм (нема да биде претврда како на некој Eibach coilover сет а и нејќам да се симне премногу, тие им е минималното симнување 25мм што ми е премногу за патиштава кај нас).
4. Нема темпомат - не ми е ни толку битно
5. Мала ситница што ептен ме нервира - има електронски подесиви ретровизори, ама нема електронско затворање на ретровизорите... Мора да ги туркаш рачно. Алфата 7 години постара ем има електронско затворање ем на заклучување автоматски се затвораат...
Следни чекори:
1. Нема летни гуми со колата - прва работа ми е да го решам тоа, најверојатно ќе бидат Conti SportContact
2. Корекција на мали естетски работи - има некои гребнатинки и ситни дупки што лесно се решаваат, како и целосно полирање/керамичка заштита
3. Apple CarPlay апгрејд
4. M Performance body kit и суспензија
5. Да дојдам до тука па ќе видам
Направен е целосен голем сервис (уље, филтри, антифриз, PK каиш, свеќици итн...) претходната недела.
Еве и некоја слика (на пробни таблици е уште тука, затоа нема таблици во држачите
):
Тоа е тоа
