Со брат ми (bramovsk) пред две недели земавме едни бандаши, доста забаталени, ама солидна цена а и добар модел. Решивме да се зафатиме со нивно средување. Пат до Гостивар по бандашите, таму на лице место видовме дека не им фалат големи парчиња (ивиците искрзани, ама се трпи) и решивме да ги земеме.
Потребен алат:
1. Демол (некој купен во недела во 18.30 од Мр. Бриколаж, а се погоди добар, квалитетен)
2. Шмиргла 200-ка, 500-ка, 1000ка (оваа последнава за корекции на бојата и лакот, ако капне, подлие и сл.)
3. Прајмер за метал и алуминиум (RenCo сив)
4. Боја за бандаши (Купена од Бриколаж, во боци од 600ml 50% повеќе од вообичаено). Ова не го препрорачувам, користете боци од 400ml позгодни се за манипулација, овие големиве два - три пати ми завршија со дното во бандаш..
5. Безбоен сјаен лак. Исто толкава боца, и повторно препорачувам користење на помали боци, и покрај финансискта заштеда.
Bramovsk беше главен припремач (демол, шмирглање), а јас главен лакер. Еве како изгледаа на почеток:
Решивме стандардни сребрени да ги префарбаме. Тоа значеше тотално симнување на сегашната црна боја, која беше нанесена во 3-4 слоеви и со шмирглање немаше шанси да се стокми, па заигра демолче. Секоја чест на тој што го измислил ова средство. На втората слика се веќе премачкани со демол.
Почнавме дел по дел да ја тргаме бојата:
Тука веќе бевме сигурни дека бандашот си вреди, Се надѕираат буквите SPEEDLINE на едниот крак:
И стигнавме до некој ваков резултат:
Потоа следеше шмирглање со груба шмиргла (200 мислам дека беше), за да дојдеме до овој резултат:
Потоа следеше пребришување со нитро разредувач и чисто крпче, и прскање со прајмер. Тука направив грешка, само една рака прајмер удрив, може требаше две.. (сакав малку и како филер/шприц кит да го искористам, па подобро ќе поминев со 2 раце, ама пуста мрза..)
Потоа, удрив една мокра петстотка врз прајмерот, да се израмнат малите нерамнини и им бапнав прв слој боја за бандаш:
и втор слој боја:
И на крај лакче (не се познава баш на сликиве, ама го има..)
Разлика - ден и ноќ :
Успут, бандашите си добија исправање (пред фарбањето), а ги чека уште мало средување на внатрешниот дел, ширење на централниот отвор на дребонг и ставање гумичиња и монтажа на кола. Кога ќе бидат монтирани - ќе апдејтувам тука како ги личи на кола!
Ова беше добра вежба пред да ги средам моите црни на стилото
Таму ќе пробам да применам друга тактика, но за тоа потоа.
Конечно, еве ги и на кола:
