Форумов пред се е отворен со примарна едукативна цел и секако дека е од социјален карактер. Сакам да ги замолам сите оние ентузијасти од сферата на автомобилизмот - членови на форумов, јавно да споделат некој нивен поексплицитно опишан захват или слично. Пожелно е да биде и документиран , за кој сметаат дека на колегите-клабери може да им биде од корист. Тука спаѓаат повеќе клабери, од кои за голем дел знам дека се професионалци. Навистина за ова треба треба повеќе слободно време, можда трудот и нема да им се валоризира (бар не директно), но дозволете му на клаберскиот дух во вас да надвладее!
В ооднос на ова, свесен сум и дека доколку некој од клаберите го пише своето лично гледање на работите - веднаш ќе се најде некој од „легендите“ со мувата на капата и ќе тврди како ова го пишуваат од лична корист или со некоја крајна цел т.е. дека е платен од конкуренцијата, а не се гледа себе си што пишува, како се убива самиот од фалење или уште повеќе неговите (не)дела ... Тука лежи проблемот со фирмите кои се декларирани на форумов како пријатели, а ниеден од нив не сака да постави свој банер на порталот, иако не е за потценување бројот на клабери кои се нивни клиенти, благодарение токму на овој форум. Па за какви пријатели на carclub ние воопшто зборуваме? А, да,заборавив – пријатели од интерес !
Исто така предлагам да организираме натпревар за најдобро реализиран проект (може да биде објавен на web порталот). Фала Богу веќе има неколку, нормално дека многу време е потребно истите да се реализираат ама тука е и дражот.
Давајте идеи за подобрување на квалитетот на форумов во секој поглед и не под паѓајте на провокации од злонамерните, сепак не сме ние виновни што сме се родиле и живееме тука...
