Goki, јас би ти препорачал, по секоја цена да се држиш настрана од бензински мотор во ваков тип на возило. Што сакаат нека пишуваат во каталози и брошури, факт е дека тие бензинци што ги нудат, многу повеќе ќе трошат, отколку што ќе одат.
Е сега, мои мислења за тие што си ги навел и што ти се у мисла. Повеќето ги имам возено, па хир гоуз:
-
Hyundai ix35 - на сликата што ја покажа Зеросигнал, јас го возев белиот и не. Навидум моќен мотор и што ти ја знам каква опрема, но и покрај се’ преовладува филингот на „евтино“, а моторот иако со некои ~170КС (или така нешто), е прилично бездушен и летаргичен. Мене лично, и на изглед не ми се свиѓа. Скоро непостоечки off-road карактеристики. Не би го препорачал.
-
KIA Sportage - Веројатно најубава од моменталнава понуда, со убаво чувство внатре. Верувам дека со убаво дизелче би била одличен избор. На горенаведената слика, портокаловата Киа беше со 1.6 бензинец што во слободен превод значи „грев“. На хартија има ~120 КС, а во реалност се доживува како астматична ласица да трча на тркалце поврзано директно на мењач. Скоро непостоечки off-road карактеристики. Дефинитивно препорачувам АМА строго со дизел мотор.
-
Opel Antara - Не би. Претешка, тесна, премногу „корејска“ како за германски автомобил и скоро непостоечки off-road карактеристики. Не би.
-
Suzuki Grand Vitara - Способен за оф-роуд вожња, со можност за блокирање диференцијали и слично. Троа спартански ентериер со рачка за мењач позајмена од ЈСП Скопје. Ако добро ме служи сеќавањето, на понуда има само бензински мотор, и тоа е најголемиот проблем. Доколку има дизел, препорачувам, инаку не, премногу скапо.
-
Ssang Yong Korando - Способен за оф-роуд вожња, симпатичен, со добар дизел. Почетната цена му беше некоја малце ненормална, ама ако се најде добра понуда, вреди да се разгледа. Иако е Санг Јонг.
-
Chevrolet Captiva - Истото за Опел Антара, само со 7 седишта, и волан од Титаник. Визуелно ми е поприфатлива од Антара. Не би ја препорачал.
-
Toyota RAV 4 - Пружа убаво чувство во кабината, комотна и рафинирана. Релативно слаби off-road карактеристики, повисока цена. Немам мислење за препорака
-
Honda CR-V - убаво склопено, доста добра кабина и удобност. Немам информации на off-road карактеристиките, а кај нас се нудеше само со бензинец, што уште у старт го отпишувам за ваков тип на возило. Треба маста да и’ ја извадиш, и пак нема да повлече
-
Nissan Qashqai - Многу, многу добро. Се осеќа како кола, а не „комбесто“. Солидна изработка, убав филинг внатре, одличен дизелаш за погон. Немам информации за off-road карактеристики. Би го препорачал.
-
Jeep Compass - Е за ова немам апсолутно никакви информации
-
Ford Kuga - Одличен „спортски“ СУВ, многу добро склопен, со прекрасен (за мене) изглед. Се осеќа стегнато и динамично, иако малку тесно позади. Одличен дизел, не толку одличен мењач (во возилото јас што го возев, кога го возев). Без некои особени off-road карактеристики. Дефинитивно препорачувам.
-
Volkswagen Tiguan - Одлично чувство во кабината, убаво склопено, се’ е таму каде што би требало да биде. Немам информации за off-road карактеристики. Со добар дизел би бил одличен избор, арно ама, цената малце „бега“.
-
Mitsubishi Outlander, ASX - Outlander-от е малку поголем од овие, има одличен погон, способен е за оф-роуд вожња. Убава и просторна кабина, со 7 седишта. Мислам дека сеуште го носат со 2.0 дизелот на Фолксваген, што е прилично добар избор. Не знам дали почнаа МИВЕК дизелот да го носат кај нас. АЅХ-от е одлично пакување, со прилично способен погон и фантастичен 1.8 дизелаш. И едното и другото ги препорачувам (со напомена дека зборам за прошлиот Outlander кој е со повисока цена од компактниве СУВ, но веројатно поприфалива од новиот. Немам никакви информации за новиот, освен дека е прилично грдичок
).
-
Renault Koleos - Не. Релативно добар и способен погонски агрегат, и толку. Неверојатно тесно позади иако е огромно возило, и визуелно дискутабилен изглед. Би претпоставил дека има некакви off-road карактеристики, имајќи предвид дека подвозјето е позајмено од Нисан.
-
Land Rover Freelander 2 - Немам никакви информации за ова возило. Би претпоставил дека има добри off-road карактеристики.
-
Citroën C-Crosser - минатата генерација на Outlander, само со друга значка и подобар мотор (2.2 ХДИ). Дефинитивно препорачувам.
-
BMW X1 - Доста добар дизел, недоволно способен погон, иако луѓе у несвест паѓаат за Xdrive. Во мои очи е грдо. Јас лично, не би, ама право на избор е нели...
-
Mazda CX-5 - Мазда во моментов нема увозник за кај нас, а CX-5 делува доста ветувачки. Интернационално е многу добро прифатена СХ-5-ката.
-
Audi Q3 - Јас лично не можам да го поднесам. Можам да претпоставам дека има одличен ентериер, кој во комбинација со некое ТДИ би било тоа што ги исполнува сите желби, арно ама, мене ми е ужасно одвратно. Субјективна работа нели
Најголема препорака -
Subaru Forester 2.0 Boxer Diesel. Прекрасно возило од секој аспект, со фантастичен ентериер, просторна и удобна кабина, со веројатно најспособен погон од сите горенаведени, ем башка, си има некоја суптилна убавина. Јас лично би го земал ова без око да ми трепне, и тоа би го зимал сега каков што е, бидејќи новиот е неверојатно грд.
Ете ги моите мислење и препораки, малце малтретирање за читање
