ЛУИС ХАМИЛТОН: СЕБАСТИЈАН Е НАЈДОБРИОТ ВОЗАЧ НА СИТЕ ВРЕМИЊА
Луис Хамилтон верува дека Себастијан Ветел е на пат да стане најдобриот Формула 1 возач на сите времиња по обезбедувањето на својата четвртата Ф1 титула. Возачот на Ред Бул ја завери Титулата на Индиското ГП по шестата последователна победа. Ветел, кој е најмладиот двократен, трократен и сега четирикратен Светски Шампион на 26 години, исто така, стана само четвртиот возач во историјата кој освоил четири титули, заедно со Хуан Мануел Фанџо, Алан Прост и Михаел Шумахер.
Луис Хамилтон во изјавата за Аутоспорт, вели дека нема никаков сомнеж дека достигнувањата на Ветел се вонредни:
"Тоа е неверојатно достигнување за толку млада индивидуа. Тој е во самостојна класа, и е на пат да стане најголемиот возач во Формула 1, а можеби и веќе е. Големи честитки, јас сум навистина среќен за него. Се надевам дека во иднина ние ќе се тркаме со него, но до тогаш ние ќе продолжиме да се обидуваме. Ветел ужива во тоа. Сите останати се обидуваме да се израмниме со него и ќе се обидеме да го стигнеме во следните години."
Како и возачот на Мерцедес АМГ и Фернандо Алонсо, неговиот ривал од Ферари, признава дека се е до нив и нивните тимови, кои треба да ги подобрат перформансите со цел да се запре доминацијата на Ветел во Формула 1:
" Треба да му честитаме, а на него е да ужива со освоената Титула. Ние треба да почнеме да работиме уште понапорно, бидејќи имаме многу силен предизвик пред нас. Ред Бул се многу силни и доминираат во Ф1 во последните неколку години, па на нас останува да направиме нешто подобро отколку што тоа го сторивме во последните четири години, бидејќи јасно е дека тоа не е доволно. Ние ќе започнеме веднаш со напорна работа и следната година сакаме да победуваме."
http://mkformula1.blogspot.com/2013/10/blog-post_29.html
